29 جولائی ، 2024 
پاکستان
جماعت اسلامی کی جانب سے گزشتہ 4 روز سے راولپنڈی کے لیاقت باغ میں مہنگی بجلی اور دیگر مطالبات کی منظوری کیلئے دھرنا جاری ہے— فوٹو: جے آئی
پنڈی میں دھرنا، حکومت اور جماعت اسلامی کے درمیان مذاکرات کا دوسرا دور شروع نہ ہوسکا
29 جولائی ، 2024
حکومت اور جماعت اسلامی کے درمیان مذاکرات کا دوسرا دور شروع نہ ہو سکا۔
جماعت اسلامی کی جانب سے گزشتہ 4 روز سے راولپنڈی کے لیاقت باغ میں مہنگی بجلی اور دیگر مطالبات کی منظوری کیلئے دھرنا جاری ہے۔
حکومت اور جماعت اسلامی کے درمیان مذاکرات کا پہلا دور گزشتہ روز کمشنر آفس میں ہوا تھا تاہم اب تک مذاکرات کا دوسرا دور شروع نہ ہو سکا۔ ذرائع کے مطابق حکومتی مذاکراتی ٹیم نے دوسرا دور آج ہونے کی یقین دہانی کروا رکھی تھی۔
ذرائع کا کہنا ہے کہ حکومتی مذاکرتی ٹیم نے مذاکرات میں ٹیکنیکل کمیٹی کو شامل کرنے کا عندیہ دیا ہے۔
خیال رہے کہ گزشتہ روز مذاکرات میں لیاقت بلوچ کی سربراہی میں جماعت اسلامی نے اپنے 10 مطالبات حکومتی کمیٹی کے سامنے رکھے تھے۔
