30 جولائی ، 2024 
بھارت: کیرالہ میں لینڈ سلائیڈنگ سے بڑے پیمانے پر تباہی، 93 افراد ہلاک، درجنوں لاپتہ
30 جولائی ، 2024
بھارت میں لینڈ سلائیڈنگ کے واقعات میں 93 افراد ہلاک ، 100 سے زائد زخمی جبکہ متعدد لاپتہ ہو گئے۔
بھارتی میڈیا کے مطابق بھارتی ریاست کیرالہ میں شدید بارشوں کے سبب ضلع وایناڈ میں متعدد گھر لینڈ سلائیڈنگ کی زد میں آ گئے۔
میڈیا رپورٹس میں بتایا گیا ہے کہ لینڈ سلائیڈنگ کی وجہ سے سینکڑوں افراد کے پھنسے ہونے کا خدشہ بھی ظاہر کیا گیا ہے جبکہ متعدد افراد تاحال لاپتہ ہیں۔
رپورٹس کے مطابق بارش اور لینڈ سلائیڈنگ کے 3 مختلف واقعات میں اب تک 93 افراد کی ہلاکت کی تصدیق ہو چکی ہے جبکہ 116 افراد زخمی ہیں۔
اس حوالے سے بھارتی حکام نے خدشہ ظاہر کرتے ہوئے بتایا کہ نیلمبور میں دریائے چلیار میں بہت سے لوگ بہہ گئے ہیں جبکہ منڈکئی میں کئی مکانات، دکانیں اور گاڑیاں ملبے تلے دب گئی ہیں۔
میڈیا رپورٹس کے مطابق منڈکئی میں پُل بہہ جانے سے امدادی کارروائیوں میں مشکلات کا سامنا ہے جس کے سبب وزیراعلیٰ کیرالا پنارائی وجین نے عارضی پل بنا کر لوگوں کی مدد کرنے کی ہدایت کی ہے۔
اس کے علاوہ وزیراعلیٰ رائی وجین کا کہنا ہے کہ منڈکئی میں بذریعہ ہیلی کاپٹر لوگوں کو ریسکیو کرنے کیلئے بھی فوج کی مدد لی جائے گی۔
مزید خبریں :
غزہ پر اسرائیلی بمباری سے مزید 38 فلسطینی شہید
1 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
چچا کے تھپڑ مارنے پر 3 سالہ بھتیجی جان سے چلی گئی
22 نومبر ، 2024
