01 اگست ، 2024 
بھارت: معمر خاتون کو دیگ میں بیٹھا کر سیلابی پانی عبور کرانے کی ویڈیو وائرل
01 اگست ، 2024
بھارت میں مون سون کی بارشوں کا سلسلہ جاری ہے جس کے باعث مختلف ریاستوں میں سیلابی صورتحال پیدا ہوگئی ہے۔
بھارتی میڈیا کے مطابق ریاست آندھرا پردیش کے ضلع وشاکھاپٹنم بھی سیلابی صورتحال کی زد میں ہے جہاں پل بہہ جانے سے زمینی رابطہ منقطع ہوگیا جس کی وجہ شہریوں کو شدید پریشانی کا سامنا ہے۔
میڈیا رپورٹس کے مطابق ضلع وشاکھاپٹنم سے ایک ویڈیو سامنے آئی ہے جہاں ایک بیمار معمر خاتون کو کھانا پکانے والی دیگ میں بیٹھا کر اسپتال لے جایا جارہا ہے۔
یہ ویڈیو سوشل میڈیا پر گردش کررہی ہے جس میں دیکھا جاسکتا ہے کہ خاتون دیگ میں موجود ہیں اور ایک شخص انہیں سیلابی پانی پار کرنے میں مدد کررہا ہے۔
واضح رہے کہ بھارتی ریاست کیرالہ میں بارشوں اور لینڈسلائیڈنگ سے ہلاکتوں کی تعداد 185 ہوگئی ہے جب کہ بھارتی شہر شملہ میں شدید بارشوں کے دوران کلاؤڈ برسٹ نے بڑی تباہی مچادی۔
بھارتی دارالحکومت نئی دہلی میں بھی طوفانی بارشوں سے نظام زندگی درہم برہم ہوگیا۔
مزید خبریں :
حزب اللہ کے راکٹ حملے میں اسرائیلی شہری ہلاک
22 نومبر ، 2024
چچا کے تھپڑ مارنے پر 3 سالہ بھتیجی جان سے چلی گئی
22 نومبر ، 2024
