01 اگست ، 2024 
دنیا
فوٹو: فائل
مقبوضہ کشمیر: قابض بھارتی فوج کی ریاستی دہشتگردی جاری،گزشتہ ماہ 20 نوجوان شہید ہوئے
01 اگست ، 2024
مقبوضہ کشمیر میں قابض بھارتی فوج کی ریاستی دہشت گردی جاری ہے۔
کشمیر میڈیا سروس کے مطابق قابض فوج کی جولائی میں دہشت گردی سے 20 کشمیری نوجوان شہید ہوئے۔
کشمیر میڈیا سروس نے بتایا ہے کہ کشمیری نوجوان جعلی مقابلوں، محاصرے، تلاشی کی آڑ میں شہید ہوئے جبکہ مقبوضہ وادی میں محاصرے، تلاشی کی کارروائیوں میں متعدد کشمیری زخمی بھی ہوئے۔
کشمیر میڈیا سروس کے مطابق جولائی میں حریت رہنماؤں، سماجی کارکنوں سمیت 216 کشمیریوں کو کالے قانون کے تحت حراست میں لیا گیا۔
