03 اگست ، 2024 
ہنگری کی لوسا کو شکست، الجیرین باکسر ایمان خلیف سیمی فائنل میں پہنچ گئیں
03 اگست ، 2024
الجزائر کی باکسر ایمان خلیف پیرس اولمپکس کے سیمی فائنل میں پہنچ گئیں۔
اولمپکس گیمز کے آٹھویں روز باکسنگ میں وویمن کی 66کلو گرام کیٹیگری میں ایمان خلیف کا مقابلہ ہنگری کی اینا لوکا ہموری سے تھا جس میں اُنہوں نے حریف کو پوائنٹس کی بنیاد پر پانچ صفر سے شکست دے کر نہ صرف سیمی فائنل میں جگہ بنالی بلکہ کانسی کا تمغہ بھی یقینی بنالیا۔
الجزائر کی باکسر ایمان خلیف اُس وقت خبروں میں آئیں جب پہلے راؤنڈ میں اُن کی حریف باکسر اٹلی کی اینجلا کیرینی نے مقابلے کے صرف 46 سیکنڈز کے بعد اُن سے لڑنے سے انکار کردیا تھا۔ اینجلا کا کہنا تھا کہ ایمان خاتون کے معیار پر پور ا نہیں اُترتیں اس لیے وہ اُن سے نہیں لڑسکتیں۔
آئی او سی نے ایمان خلیف کی حمایت کرتے ہوئے بیان دیا تھا کہ وہ وویمن باکسنگ میں لڑنے کی اہل ہیں، بعد میں اٹالین باکسر اینجلا نے ایمان سے اپنے رویے پر معافی مانگ لی تھی۔
خیال رہے کہ الجیرین باکسر ایمان خلیف سے متعلق تنازع شدت اختیار کرگیا ہے۔ ایمان خلیف کے خلاف فائٹ سے قبل ہنگری کی باکسر لوسا ہموری نے سوشل میڈیا پر توہین آمیز پوسٹس کیں تھیں اورشدید تنقید کے بعد پوسٹس ہٹا دیں تھیں۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
