04 اگست ، 2024 
پاکستان
آئی پی پیز کو لگام اور اپنی مراعات کو کم کیوں نہیں کرتے؟حکومت نے مطالبات تسلیم نہ کیے تو دھرنوں کا سلسلہ بڑھتا جائے گا: امیر جماعت اسلامی
آئی پی پیز کو لگام کیوں نہیں ڈالتے؟ مطالبات نہ مانے تو دھرنوں کا سلسلہ بڑھتا جائیگا: حافظ نعیم
04 اگست ، 2024
آئی پی پیز معاہدوں، مہنگی بجلی اور تنخواہ دارطبقے پراضافی ٹیکسوں کے خلاف راولپنڈی میں جماعت اسلامی کا دھرنا دسویں روز میں داخل ہو گیا۔
دھرنے کے شرکا سے خطاب میں امیر جماعت اسلامی حافظ نعیم الرحمان نے کہا کہ آئی پی پیز کو لگام اور اپنی مراعات کو کم کیوں نہیں کرتے؟ حکومت نے مطالبات تسلیم نہ کیے تو دھرنوں کا سلسلہ بڑھتا جائے گا۔
حافظ نعیم الرحمان کا کہنا تھا کراچی کے بعد پشاور اور لاہور میں بھی دھرنا شروع ہو گا۔
ان کا کہنا تھا راولپنڈی دھرنے کی حمایت میں کراچی میں بھی احتجاج کا آغاز کر دیا گیا ہے، امیرجماعت اسلامی کراچی منعم ظفرخان ریلی کےہمراہ گورنر ہاؤس پر موجود ہیں۔
