سب سےطویل عرصے تک حکمران رہنے والی خاتون سربراہ کے اقتدار کا سورج ڈوب گيا

بنگلا دیش میں سب سے طویل عرصے تک وزیرا‏عظم رہنے والی شیخ حسینہ واجد کے اقتدار کا سورج 16 سال بعد ڈوب گيا۔

76 سالہ حسینہ واجد بنگلادیش کے پہلے صدر شیخ مجیب الرحمان کی صاحبزادی ہیں، حسینہ واجد 2009 سے مسلسل اقتدار میں تھیں، وہ رواں سال جنوری میں چوتھی بار وزیراعظم منتخب ہوئيں لیکن بنگلا دیش کے آخری انتخابی عمل میں اپوزيشن کا مکمل بائيکاٹ رہا، اس سےپہلے شیخ حسینہ واجد  3  بار  اپوزيشن لیڈر بھی رہیں۔ 

حسینہ واجد کو دنیا ميں سب سے طویل عرصے تک حکومت کرنے والی منتخب خاتون سربراہ کا اعزاز حاصل رہا۔

گزشتہ ماہ سے جاری عوامی مظاہروں کے بعد شیخ حسینہ واجد آج عہدے سے مستعفی ہوکر فوجی ہیلی کاپٹر میں بھارتی شہر اگرتلہ پہنچیں جہاں سے وہ دہلی روانہ ہوئیں۔ 

بھارتی میڈيا کے مطابق بھارت شیخ حسینہ کو محفوظ راستہ فراہم کرنے کے لیے تیار ہے، مبینہ طورپر شیخ حسینہ واجد بھارت سے لندن جائيں گی، بھارت میں حسینہ واجد کی اہم حکومتی رہنماؤں سے ملاقات بھی متوقع ہے۔

صورتحال کے پیش نظر بھارتی حکومت نے بھارت بنگلا دیش سرحد پر ہائی الرٹ جاری کردیا ہے۔

حسینہ واجد کے ملک سے فرار کے مناظر سامنے آگئے، ساتھ کیا لے کر نکلیں؟

حسینہ واجد بھارتی شہر اگرتلہ پہنچیں جہاں سے نئی دہلی کیلئے روانہ ہوگئیں

بنگلادیش میں پرتشدد مظاہروں کے بعد وزیراعظم شیخ حسینہ استعفیٰ دیکر بھارت فرار ہوگئیں

بنگلادیشی فوج نے وزیراعظم حسینہ واجد کو مستعفی ہونے کے لیے 45 منٹ کی ڈیڈ لائن دی تھی، شیخ حسینہ بھارتی شہر اگرتلہ پہنچیں جہاں سے نئی دہلی روانہ ہوگئیں: بھارتی میڈیا