ایسا وٹامن جس کا کم استعمال لمبی عمر پانے میں مدد گار ہو سکتا ہے

وٹامنز کو صحت کا خزانہ سمجھا جاتا ہے لیکن کسی بھی چیز کی زیادتی آپ کیلئے نقصان کا باعث بن سکتی ہے۔

سائنسدانوں کی جانب سے کی گئی ایک تحقیق میں بتایا گیا ہے کہ فولیٹ (بی۔9) نامی وٹامن کی زیادتی کسی بھی شخص کیلئے نقصان کا سبب بنتی ہے اور اس کا کم استعمال کرنے والے لمبی عمر  پا سکتے ہیں۔

یہ تحقیق لائف سائنس الائنس میں شائع ہوئی ہے جس کی تحقیق امریکی ریاست ٹیکساس کی اے اینڈ ایم ایگری لائف ریسرچ ایجنسی کے سائنسدانوں نے کی ہے۔

صحت پر فولیٹ کا کردار

سائنسدانوں کا کہنا ہے کہ کم فولیٹ کھانے کا تعلق صحت مند میٹابولزم سے ہے، یہ وٹامن سرخ خون کے خلیات کی تشکیل اور صحت مند خلیات کی پیداوار کو بڑھانے میں اپنا کردار ادا کرتا ہے۔

فولیٹ یا فولک ایسڈ گہرے سبز پتوں والی سبزیوں میں پایا جاتا ہے، اس کے علاوہ یہ کینو، لیموں، خربوزے، خشک میوہ جات اور بیج وغیرہ میں بھی پایا جاتا ہے۔

فولیٹ کن لوگوں کیلئے ضروری ہوتا ہے؟

فولیٹ بچوں، کم عمر اور نوجوان افراد کے ساتھ ساتھ حاملہ خواتین کی نشونما کیلئے ضروری ہوتا ہے۔

اس کے ساتھ ہی تحقیق سے معلوم ہوا ہے کہ بوڑھے افراد کو اس وٹامن کو کم کھانا چاہیے کیونکہ کم کھانا ہی ایسے افراد کی لمبی عمر کا سبب ہو سکتا ہے۔