دنیا کے تیسرے امیر ترین شخص کا اہلیہ کو دیے جانے والا تحفہ انٹرنیٹ پر وائرل

میٹا کے چیف ایگزیکٹو مارک زکربرگ دنیا کے تیسرے امیر ترین شخص ہیں تو آپ کے خیال میں وہ اپنی اہلیہ کو کیا تحفہ دے سکتے ہیں؟

مارک زکربرگ کی جانب سے ان کی اہلیہ پریسیلا چن کو دیا گیا ایک تحفہ انٹرنیٹ پر وائرل ہوا ہے کیونکہ وہ کچھ زیادہ ہی حیران کن ہے۔

مارک زکربرگ نے اپنی اہلیہ کو ان سے ملتا جلتا قد آدم مجسمہ تحفے میں دیا ہے جو امریکی آرٹسٹ Daniel Arshasm نے تیار کیا۔

یہ مجسمہ ماک زکربرگ کے گھر کے احاطے میں رکھا ہوا ہے اور اس کی تصاویر مارک زکربرگ نے انسٹاگرام پر پوسٹ کیں۔

مارک زکربرگ سونے کی چین کیوں پہنتے ہیں؟ انہوں نے پہلی بار راز بتا دیا

مارک زکربرگ نے انکشاف کیا کہ وہ نمائش کے لیے سونے کی چین نہیں پہنتے، درحقیقت یہ ان کے اور ان کے خاندان کے لیے بہت خاص ہے۔

ایک تصویر میں پریسیلا چن مجسمے کے ساتھ کھڑی کافی پی رہی ہیں جبکہ دوسری فوٹو میں مجسمے کا چہرہ دکھایا گیا ہے۔

اس پوسٹ کے کیپشن میں مارک زکربرگ نے لکھا کہ وہ اہلیہ کے مجسمے تیار کرنے کی رومی روایت کو پھر زندہ کر رہے ہیں۔

خیال رہے کہ مارک زکربرگ اور پریسیلا چن کی پہلی ملاقات 2003 میں ہارورڈ یونیورسٹی میں ہوئی تھی، جہاں یہ دونوں زیرتعلیم تھے۔

اس جوڑے نے 19 مئی 2012 کو شادی کی تھی اور ان کی 3 بیٹیاں ہیں۔