فائر وال سے ہونیوالا نقصان 30 کروڑ ڈالر سے تجاوز کرسکتا ہے، پاشا

پاکستان سافٹ ویئر ہاؤسز ایسوسی ایشن (پاشا) کا کہنا ہےکہ پاکستان میں انٹرنیٹ فائر وال سے معیشت کو  ہونے والا نقصان 30کروڑ  ڈالر  سے تجاوز کرسکتا ہے۔

ایک بیان میں پاشا کا کہنا ہے کہ فائر وال نفاذ  پہلے ہی انٹرنیٹ کے منقطع ہونےکا سبب بنا ہے، فائر وال نفاذ  وی پی این کی خراب کارکردگی کا سبب بنا ہے، انٹرنیٹ کی سست روی اور  وی پی این کی خراب کارکردگی کاروبار کے بڑے نقصانات کا سبب بنی ہے۔

فائر وال سے قبل ویب منیجمنٹ سسٹم تھا، حکومت اب سسٹم اپڈیٹ کر رہی ہے: وزیرمملکت آئی ٹی

پوری دنیا میں حکومتیں سائبر سکیورٹی کے لیے فائر وال انسٹال کرتی ہیں، وزیرمملکت آئی ٹی شزہ فاطمہ

پاشا کا کہنا ہے کہ یہ رکاوٹیں محض تکالیف نہیں، آئی ٹی کی ترقی پر براہ راست حملہ ہیں، ان رکاوٹوں سے تباہ کن مالی نقصان کا تخمینہ 30 کروڑ  ڈالر  سے  بھی  زیادہ ہوسکتا ہے، حکومت سائبرسکیورٹی فریم ورک کے لیے آئی ٹی انڈسٹری سےمشاورت کرے۔

دوسری جانب وزیرمملکت آئی ٹی شزہ فاطمہ کا کہنا ہےکہ پوری دنیا میں حکومتیں سائبر سکیورٹی کے لیے فائر وال انسٹال کرتی ہیں، فائر وال سے پہلے ویب منیجمنٹ سسٹم تھا حکومت اب سسٹم کو اپڈیٹ کر رہی ہے۔

جیو نیوز سےگفتگو کرتے ہوئے شزہ فاطمہ کا کہنا تھا کہ سائبر سکیورٹی کے حملوں سے بچنےکے لیے فائروال انسٹال کی جاتی ہے، جلد آگاہ کریں گے کہ اب تک کتنے سائبر حملے ہوچکے ہیں، پہلے صرف وٹس ایپ کے سست ہونے کی شکایت آرہی تھی، انٹرنیٹ کی سست روی سے متعلق انٹرنیٹ سروس فراہم کرنے والی کمپنیوں سے ڈیٹا مانگا ہے۔

ملک میں انٹرنیٹ کی رفتار انتہائی سست، ڈیجیٹل معیشت کی بقا خطرے میں پڑ گئی

انٹرنیٹ کی سست رفتاری کا سلسلہ جاری رہا تو پاکستان سے کاروبار کا بڑے پیمانے پر اخراج دیکھیں گے: انٹرنیٹ سرور پرو وائیڈرز

’500 ملین کا نقصان ہو چکا‘، قائمہ کمیٹی کی 2 ہفتوں میں انٹرنیٹ کا مسئلہ حل کرنیکی ہدایت

سینیٹرپلوشہ خان کی زیر صدارت اجلاس میں ملک بھرمیں انٹرنیٹ سروس متاثرہونے پربحث کی گئی