16 اگست ، 2024 
بیٹے بہو کی طلاق کی افواہیں: امیتابھ بچن نے شادی شدہ جوڑوں کو رومانس قائم رکھنے کیلئے کیا مشورہ دیا؟
16 اگست ، 2024
بالی وڈ میں اداکاری کے بادشاہ امیتابھ بچن نے تمام شادی شدہ جوڑوں کو زندگی میں رومانس قائم رکھنے کے لیے دلچسپ مشورہ دیا ہے۔
گزشتہ ایک سال سے ابھیشیک اور ایشوریا کے درمیان طلاق کی افواہیں سرگرم تھیں کیونکہ دونوں کو ہر ایونٹ میں علیحدہ علیحدہ شرکت کرتے دیکھا گیا، اس کے علاوہ دونوں کی جانب سے اختیار کی جانے والی خاموشی بھی تشویش کا سبب تھی۔
تاہم کچھ دن قبل ہی ٹائمز آف انڈیا کی رپورٹ میں دعویٰ کیا گیا کہ ابھیشیک بچن نے بالی وڈ یُوکے میڈیا کو انٹرویو دیا جس میں ان سے گزشتہ کئی عرصے سے گردش کرنے والی طلاق کی خبروں سے متعلق سوال کیا گیا۔
اداکار نے سوال کا جواب دیا اور کہا 'اس حوالے سے میرے پاس زیادہ کچھ کہنے کو نہیں ہے، آپ لوگ خبر کو کوئی اور رنگ ہی دے دیتے ہیں، ظاہر ہے میں سمجھتا ہوں کہ ایسا کیوں ہوتا ہے'
اس دوران اداکار نے اپنی شادی کی انگوٹھی دکھائی اور کہا 'دیکھیں، میں اب تک شادی شدہ ہوں'۔
امیتابھ بچن کا شادی شدہ جوڑوں کو مشورہ
اب امیتابھ بچن نے اپنے پروگرام 'کون بنے گا کروڑ پتی' میں دنیا بھر کے میاں بیوی کو اچھی ازدواجی زندگی کے لیے مشورہ دیا۔
شو میں ایک میاں بیوی آئے ہوئے تھے اور شوہر نے بتایا کہ وہ لوگ 25 سال سے شادی شدہ ہیں اور دونوں ایک دوسرے سے بہت محبت کرتے ہیں، وہ جہاں جاتے ہیں ریلز (مختصر ویڈیو) بنالیتے ہیں۔
اس پر امیتابھ بچن نے کہا 'یہ آپ نے بہت اچھا آئیڈیا دیا، میرا بھی یہ ہی مشورہ ہے کہ رشتے میں رومانس کو قائم رکھنے کے لیے میاں بیوی کو چاہیے کہ جہاں جائیں وہاں ویڈیو بنالیں، یعنی گھومنے جائیں تو ریل لازمی بنائیں'۔
مزید خبریں :
سوناکشی کو کس اداکار نے بڑی عمر کا کہہ کر فلم سے نکلوایا تھا؟
20 دسمبر ، 2024
