ابراہیم رئیسی کے ہیلی کاپٹر حادثے کی تحقیقات مکمل، وجوہات سامنے آگئیں

ایران کے سابق صدر ابراہیم رئیسی کے ہیلی کاپٹر حادثے کی وجوہات سامنے آگئیں۔ 

ایرانی میڈیاکےمطابق حادثے کی حتمی تحقیقاتی رپورٹ سامنے آگئی ہے، سکیورٹی ذرائع کا کہنا ہے کہ ابراہیم  رئیسی کے ہیلی کاپٹر حادثے کی تحقیقات مکمل ہوگئی ہیں اور  تحقیقاتی رپورٹ میں حادثے کی دو وجوہات کا تعین کیا گیا ہے۔

ایرانی میڈیا کے مطابق  حادثے کی پہلی وجہ موسم کی صورتحال کا سازگار نہ ہونا تھا۔

تحقیقاتی رپورٹ میں حادثے کی دوسری وجہ گنجائش سے زیادہ افراد کا ہیلی کاپٹر میں سوار ہونا تھا، ہیلی کاپٹر زیادہ وزن اٹھانے کے قابل نہیں تھا جس کی وجہ سے پہاڑ  سے ٹکرایا۔

ایرانی میڈیا کے مطابق ہیلی کاپٹر میں سکیورٹی پروٹوکول کے دو اضافی افراد سوار تھے۔ 

ایران کے سابق صدر ابراہیم رئیسی 19 مئی کو دیگر ساتھیوں سمیت ہیلی کاپٹر حادثے میں جاں بحق ہوئے تھے۔ 

ایرانی فوج نے حادثے کے بعد ابتدائی تحقیقاتی رپورٹ میں کسی حملے یا سازش کا امکان مسترد کر دیا تھا۔

ہیلی کاپٹر حادثے میں جاں بحق ایرانی صدر کی زندگی پر ایک نظر

14 دسمبر 1960 کو ایران کے شہر مشہد کے ایک مذہبی گھرانے میں پیدا ہونے والے ابراہیم رئيسی قدامت پسند سیاستدان، اسلامی قانون دان اور مصنف بھی تھے

ایرانی صدر ابراہیم رئیسی اور وزیر خارجہ ہیلی کاپٹر حادثے میں جاں بحق

ایرانی سپریم لیڈر آیت اللہ خامنہ ای کے ترجمان آیت اللہ علی ہاشم اور مشرقی آذربائیجان کے گورنر مالک رحمتی بھی اس ہیلی کاپٹر میں سوار تھے