کہیں نا کہیں فائر وال یا ویب مینجمنٹ بھی انٹرنیٹ سست ہونے کی وجہ ہے: امین الحق

اسلام آباد: چیئرمین قائمہ کمیٹی انفارمیشن ٹیکنالوجی امین الحق نے کہا کہ انٹرنیٹ کہیں نا کہیں فائر وال یا ویب مینجمنٹ سسٹم کی وجہ سے بھی سست ہوا ہے۔ 

جیو نیوز کے پروگرام جیو پاکستان میں گفتگو کرتے ہوئے امین الحق  نے کہا کہ انٹرنیٹ کی سست رفتاری پر ہم نے متعلقہ لوگوں کو بلایا تھا، انٹرنیٹ کی سست روی سب میرین کیبل کا فالٹ ہے اور  انٹرنیٹ کہیں نا کہیں فائر وال یا ویب مینجمنٹ سسٹم کی وجہ سے بھی سست ہوا ہے۔ 

چیئرمین قائمہ کمیٹی نے بتایا کہ انٹرنیٹ کی سست رفتار سے ٹیلی کام سیکٹرمیں تقریباً 30 کروڑ کا نقصان ہوا ہے جب کہ گھر سے کام کرنے والے فری لانسرز اور کال سینٹر کے نقصانات کے تخمیہ لگایا جارہا ہے۔ 

امین الحق کا کہنا تھا کہ پی ٹی اے انٹرنیٹ سست روی سے پہلے آگاہ کردیتی تو یہ مسئلہ نہ ہوتا، امید ہے 27 اگست کے بعد انٹرنیٹ میں بہتری آئے گی۔

واضح رہے کل چیئرمین پی ٹی اے میجر جنرل(ر) حفیظ الرحمان نے فائر وال کی تردید کرتے ہوئے کہا تھا کہ یہ لفظ کہیں نہیں بلکہ پاکستان میں ویب مینجمنٹ سسٹم ہے جب کہ انٹرنیٹ سب میرین کیبل میں خرابی کی وجہ سے متاثر ہے۔

’انٹرنیٹ سب میرین کیبل سے متاثر ہے‘، چیئرمین پی ٹی اے نے فائر وال کی بھی تردید کردی

وفاقی حکومت نے حکم دیا ہے کہ فائر وال لگائی جائےاور وی پی این ہم بند ہی نہیں کرسکتے، یہ خبر غلط ہے کہ کہ وی پی این بند ہورہا ہے: کمیٹی کو بریفنگ

پی ٹی اے نے لاہور ہائیکورٹ کو انٹرنیٹ کی اسپیڈکم ہونےکی 4 وجوہات بتادیں

15 اگست کو انڈین نیشنل ڈے پر سائبر اٹیک سے انٹرنیٹ سلو ہوا، پی ٹی اےکا عدالت میں مؤقف