15 فروری ، 2013 
گزشتہ تین سال کے دوران یوریا کھاد کی قیمتیں دُگنی سے زائدہوگئی
15 فروری ، 2013
کراچی…ٹیکسوں میں اضافے اور گیس قلت کے باعث پاکستان میں گزشتہ تین سال کے دوران یوریا کھاد کی قیمتیں دگنی سے زائد ہوچکی ہیں جو غذائی اجناس کی قیمتوں میں بھی اضافے کی سب سے بڑی وجہ ہے۔ایک رپورٹ کے مطابق سال 2010 میں یوریا کھاد کی اوسط قیمت 780 روپے فی بیگ تھی جو اب تین سال بعد دُگنی ہوکر تقریباً 1ہزار 600 روپے فی بیگ ہوگئی ہے۔سال 09-2008 کے دوران ملک میں کسان کھاد پر اوسطاً 4 ہزار 450 روپے فی ایکڑ خرچ کرتا تھا۔ مگر 5 سال بعد یہ لاگت 8 ہزار 125 روپے فی ایکڑ پر پہنچ گئی ہے۔ رپورٹ کے مطابق گیس لوڈ شیڈنگ کے باعث مقامی یوریا کی پیداوار میں کمی ہوئی اور حکومت کو مہنگی یوریا درآمد کرنی پڑی ہے۔ اس کے علاوہ ٹیکسوں میں بھی اضافہ ہوا۔رپورٹ کا کہنا ہے کہ گندم، چاول سمیت تمام غذائی اشیا کی قیمتوں میں اضافے کا سب سے بڑا سبب یوریا کی قیمتوں میں اضافہ ہی ہے۔
مزید خبریں :
پاکستان کی پیٹرولیم مصنوعات کی مجموعی درآمدات میں کمی
17 نومبر ، 2024
ملکی غذائی اجناس کی برآمدات میں مسلسل چوتھے ماہ اضافہ ریکارڈ
17 نومبر ، 2024
ملک میں سونےکی قیمت میں کمی، فی تولہ قیمت کیا ہوگئی؟
16 نومبر ، 2024
حکومت کا پیٹرولیم مصنوعات کی قیمتیں برقرار رکھنے کا فیصلہ
15 نومبر ، 2024
ملک میں سونے کی فی تولہ قیمت میں سیکڑوں روپے کا اضافہ
15 نومبر ، 2024
سعودی عرب میں فی تولہ سونا پاکستانی روپے میں کتنے کا ہے؟
15 نومبر ، 2024
