24 اگست ، 2024 
کلکتہ ڈاکٹر زیادتی کیس: مرکزی ملزم سنجے رائے کی اسپتال سے پہلی فوٹیج سامنے آگئی
24 اگست ، 2024
بھارتی میڈیا پر کلکتہ ریپ کیس کے مرکزی ملزم سنجے رائے کی اسپتال میں داخلے کی پہلی سی سی ٹی وی فوٹیج منظر عام پر آگئی۔
9 اگست کو کلکتہ کے اسپتال سے وابستہ ایک ٹرینی خاتون ڈاکٹر کو زیادتی کے بعد قتل کردیا گیا تھا، 31 سالہ لیڈی ڈاکٹر کی لاش کلکتہ کے آر جی کار میڈیکل کالج کے کمرے سے ملی تھی اور پوسٹ مارٹم میں خاتون ڈاکٹر سے زیادتی کی تصدیق ہوئی ہے۔
بھارتی میڈیا کو موصول فوٹیج میں سنجے رائے کو 9 اگست کی رات 4 بج کر 3 منٹ پر میڈیکل فیسلٹی میں داخل ہوتے ہوئے دیکھا گیا۔
بھارتی میڈیا کے مطابق یہ پہلی فوٹیج ہےجو ملزم سنجے رائے کو قتل سے براہ راست جوڑتی ہے، اس میں سنجے رائے کو جینز اور ٹی شرٹ پہنے دیکھا گیا جب کہ اس کے ہاتھ میں ہیلمٹ ہے۔
بھارتی میڈیا کا بتانا ہے کہ یہ ہیلمٹ خاص طور پر کولکتہ پولیس کے اہلکاروں کو جاری کردہ یونیفارم کا حصہ ہے۔
فوٹیج میں سنجے رائے کے گلے میں بلیوٹوتھ ڈیوائس بھی دکھائی دی اور یہ وہی ڈیوائس ہے جسے بعد میں پولیس نے جائے وقوعہ سے برآمد کیا تھا اور اب جاری تفتیش میں یہی ڈیوائس ایک اہم ثبوت ہے۔
واضح رہے کہ گزشتہ روز ملزم کی فارنزک رپورٹ میں بتایا گیا تھا کہ ملزم سنجے رائے نے تاحال اپنے گناہ پر ملامت نہیں کی اور بغیر کسی ہچکچاہٹ کے ہر منٹ کی تفصیل دیتے ہوئے پورا واقعہ بیان کیا۔
رپورٹ کے مطابق ایسا لگتا ہے جیسے ملزم کو کوئی پچھتاوا نہیں، پولیس کو سنجے رائے کے ضبط شدہ موبائل فون سے فحش مواد ملاہے۔
رپورٹ میں بتایا گیا ہےکہ ملزم پورنوگرافی کا عادی اور حیوانی خصلت رکھتا ہے جسے اپنے جرم پر کوئی پچھتاوا نہیں۔
مزید خبریں :
دبئی میں لاپتہ اسرائیلی مذہبی رہنما کی لاش مل گئی
24 نومبر ، 2024
اسرائیل نے لبنانی فوج کے اڈے کو نشانہ بنانے پر معافی مانگ لی
24 نومبر ، 2024
ایلون مسک کی دولت ریکارڈ 348 ارب ڈالرز تک پہنچ گئی
24 نومبر ، 2024
