18 اگست ، 2024 
’بیٹا پیدا ہی نہیں کرنا چاہیے تھا‘، کلکتہ ڈاکٹر ریپ کیس میں گرفتار ملزم کی ماں کا بیان
18 اگست ، 2024
بھارتی شہرکلکتہ میں 31 سالہ ٹرینی ڈاکٹر کے ساتھ زیادتی اور وحشیانہ قتل کے ملزم کی ماں نے کہا ہے کہ اسے اپنے بیٹے کو ’پیدا ہی نہیں کرنا چاہیے تھا'۔
غیر ملکی خبرایجنسی سے بات کرتے ہوئے خاتون نے کہا کہ جب کبھی ان کے شوہر کسی مشکل میں ہوتے تو وہ ان کا ساتھ دیتی تھیں اور آج جب ان کا بیٹا ایک مشکل میں گھرا ہے تو وہ ایک ماں کی حیثیت سے اس کے ساتھ کھڑی ہوں گی۔
خاتون نے کہا کہ میں پریشان ہوں کیونکہ میرا بیٹا گھر نہیں آرہا، ماں کو ماردو تو کہانی ختم ہوجائے گی۔
اس پر صحافی کی جانب سے سوال کیا گیا کہ ماں کو کیوں ماردیں؟
خاتون نے جواب دیا کہ مجھے بیٹا پیدا ہی نہیں کرنا چاہیے تھا، یہ بڑی غلطی کی۔
خیال رہے کہ 9 اگست کو کلکتہ کے اسپتال سے وابستہ ایک خاتون ٹرینی ڈاکٹر کو زیادتی کے بعد قتل کردیا گیا تھا، 31 سالہ لیڈی ڈاکٹر کی لاش کلکتہ کے آر جی کار میڈیکل کالج کے کمرے سے ملی تھی۔
ڈاکٹرز نے بتایا کہ پوسٹ مارٹم میں خاتون ڈاکٹر سے زیادتی کی تصدیق ہوئی ہے۔
بھارتی میڈیا کے مطابق مقتول ڈاکٹر کے اہلخانہ نے بتایا کہ اسپتال انتظامیہ نے انہیں 3 گھنٹے تک اسپتال کے باہر روکے رکھا اور کہا گیا کہ ٹرینی ڈاکٹر نے خود کشی کی ہے۔
پولیس کا کہنا ہےکہ واقعے کی تحقیقات جاری ہیں اور لڑکی کے قتل کے شبہ میں ایک پولیس رضاکار کو حراست میں لیا گیا ہے۔
مزید خبریں :
ایلون مسک کی دولت ریکارڈ 348 ارب ڈالرز تک پہنچ گئی
3 گھنٹے پہلے
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
23 نومبر ، 2024
