25 اگست ، 2024 
جے یو آئی اور تحریک انصاف کے اجلاس کی اندرونی کہانی سامنے آگئی
25 اگست ، 2024
جمعیت علما اسلام اور پاکستان تحریک انصاف کے رہنماؤں کے درمیان ہونے والی ملاقات کی اندرونی کہانی سامنے آگئی۔
جے یو آئی ف اور پی ٹی آئی کے اجلاس میں پارلیمنٹ میں کسی بھی ممکنہ قانون سازی کے لیے 2کمیٹیاں تشکیل دینے پر اتفاق کیا گیا۔
ذرائع نے بتایا کہ دونوں کمیٹیوں کا ایک 2 روز میں ملاقات کرنے اور قانون سازی پر متفقہ لائحہ عمل بنانے پر اتفاق کیا گیا ہے، کمیٹیوں میں جے یو آئی ف کے کامران مرتضیٰ اور مولانا عبدالغفور حیدری جبکہ پی ٹی آئی کے بیرسٹر گوہر اور شبلی فراز شامل ہوں گے۔
واضح رہے گزشتہ روز پی ٹی آئی کے وفد نے جمعیت علماء اسلام کے سربراہ مولانا فضل الرحمان سے ملاقات کی تھی، جس میں ملکی سیاسی صورتحال پرمشاورت کی گئی اور کئی فیصلے کیے گئے۔
اس موقع پر ترجمان پی ٹی آئی کا کہنا تھا کہ پارلیمنٹ میں قانون سازی پر مشترکہ طور پر آگے بڑھنے کا فیصلہ ہوا ہے۔
ترجمان جے یو آئی اسلم غوری کا کہنا تھاکہ وفود کی سطح پر ملاقات ہوئی، پارلیمان میں روزانہ کے معاملات پر اکٹھے آگے بڑھنے کا فیصلہ کیا ہے۔
مزید خبریں :
رمضان میں پیپلز بس سروس کے اوقات میں توسیع کا اعلان
6 گھنٹے پہلے
افطار میں بنائیں مزیدار چکن چیز رول
11 گھنٹے پہلے
