بیلجیئم نے فلسطین میں جاری نسل کش پالیسی پر اسرائیل کو سزا دینےکا مطالبہ کردیا

برسلز: بیلجیئم کی نائب وزیراعظم نے کہا ہے کہ فلسطین میں جاری اسرائیل کی نسل کشی کی پالیسی کو  سزا دیے  بغیر  نہیں جانے دینا چاہیے۔

بیلجیئم نے آج ہونے والی یورپی یونین کے وزرائے خارجہ کی غیر رسمی میٹنگ سے قبل نسل کشی کے بیانات دینے والے اسرائیلی وزرا اور  غیر قانوی آباد کاری میں ملوث تنظیموں (سیٹلرز)  پر  پابندیاں عائد کرنے کی حمایت کردی۔ 

بیلجیئم کی نائب وزیراعظم پیٹرا دی سٹر نے اپنی ایکس (ٹوئٹر) پوسٹ میں کہا کہ 'نسل کشی پر مبنی پالیسیوں اور بیانات کو بغیر سزا دیے نہیں چھوڑنا چاہیے'۔ 

انہوں نے اپنی پوسٹ میں کہا کہ ' میں کل ہونے والے یورپی یونین کے خارجہ نمائندوں کے غیر رسمی اجلاس کی روشنی میں اسرائیلی وزرا  بن گویر اور سموترچ پر پابندیاں لگانے کی مکمل حمایت کرتی ہوں'۔ 

واضح رہےکہ امریکا سمیت متعدد ممالک پہلے ہی پرتششد آبادکاروں پر پابندیاں عائد کرچکے ہیں مگر اس کے باوجود غیر قانونی اسرائیلی آبادکار  اکثر فلسطینیوں پر حملہ آور ہوتے ہیں۔ 

بیلجیئم کی نائب وزیراعظم کا اسرائیل کے خلاف اقتصادی پابندیاں لگانے کا مطالبہ

انہوں نے کہا کہ یہ واضح ہے کہ اسرائیل کو غزہ میں جنگ بندی کے عالمی مطالبے کی کوئی پروا نہیں۔

’جنگ بند اور قبضہ ختم کرو‘، اسرائیلی رکن پارلیمنٹ عفر کاسف فلسطینیوں کے حق میں بول پڑے

عفر کاسف کا تعلق اسرائیل کی بائیں بازو کی عرب نژاد اکثریت رکھنے والی جماعت سے ہے اور وہ اکثر فلسطین کے حق میں آواز اٹھاتے ہیں