بجلی بلوں میں ریلیف کی تشہیر دوسروں نےکی، ان کا شکریہ کہ ہمارا منصوبہ عوام تک پہنچایا، مریم نواز

لاہور: وزیر اعلیٰ  پنجاب مریم نواز کا کہنا ہے کہ 46 ارب روپے سے بجلی کے بلوں میں ریلیف کی تشہیر دوسروں نےکی، ان کا شکریہ کہ ہمارا پراجیکٹ عوام تک پہنچایا۔

صوبائی کابینہ کے اجلاس سے خطاب میں مریم نواز نے کہا کہ ریلیف پر مخالفین کو ہونے والی پریشانی سےحیرانی ہوئی،کام کرنے اور باتیں کرنے والوں میں واضح فرق ہوتا ہے۔

مریم نواز نے کہا کہ بجلی کے بلوں میں ایسا ریلیف پہلےکبھی نہیں دیاگیا، ہر بل پر لکھا ہےکہ آپ کا اصل بل یہ تھا اور ریلیف کے بعد اتنا کم ہوگیا ہے۔

وزیر اعلیٰ پنجاب نے کہا کہ  اگلی گرمیوں کے بجلی کے بل میں ریلیف کے لیے ابھی سےکام شروع کردیا ہے۔ 

مریم نواز کا کہنا تھا کہ 46 ارب روپے سے بجلی کے بلوں میں ریلیف نواز شریف کا وژن ہے اس کا کریڈٹ ان کو بھی ملناچاہیے، منصوبے پر عملدرآمد کے لیے وزیراعظم کو بھی خراج تحسین پیش کرتے ہیں۔

وزیر اعلیٰ پنجاب مریم نواز نے کہا کہ بہت جلد سولر پینل پروگرام بھی شروع ہوجائے گا۔

وزیراعلیٰ پنجاب مریم نواز کی جانب سے بجلی کے بلوں میں ریلیف ملنا شروع ہوگیا

پنجاب کے لوگوں کے لیے خوشخبری آگئی ہے،مریم نواز نے عوام سے جو وعدہ کیا وہ آج پورا کر دیا ہے: عظمیٰ بخاری نے ریلیف والا بجلی بل سوشل میڈیا پر شیئر کر دیا

نواز کا پنجاب حکومت کیجانب سے 500 یونٹ تک بجلی استعمال والوں کیلئے فی یونٹ 14 روپے کمی کا اعلان

یہ رعایت فوری دی جائے گی اور یہ اگست اور ستمبر کے بلوں میں دی جائے گی، پنجاب حکومت کے مختلف شعبوں سے 45 ارب روپے نکال کر عوام کو ریلیف دیں گے: نواز شریف