30 اگست ، 2024 
پاکستان
گلشن اقبال بلاک 17 میں تیز ہواؤں کے باعث درخت اور بجلی کا کھمبا گرگیا جس سے سڑک ٹریفک کے لیے بند ہوگئی: ریسکیو/ فائل فوٹو
ڈیپ ڈپریشن کے سبب کراچی میں تیز ہواؤں کا راج
30 اگست ، 2024
ڈیپ ڈپریشن کے سبب کراچی کے مختلف علاقوں میں تیز ہوائیں چل رہی ہیں۔
محکمہ موسمیات کے مطابق ڈیپ ڈپریشن کا مرکز بحیرہ عرب میں داخل ہورہا ہے جو کراچی کے جنوب مشرق سے 190 کلومیٹر کے فاصلے پر ہے۔
محکمہ موسمیات کے مطابق اس سسٹم سےکراچی میں ہواؤں کے جھکڑ 40 سے 45 کلو میٹر فی گھنٹہ کی رفتار سے چل رہے ہیں جب کہ ائیرپورٹ اور اطراف میں 20 سے 29 کلو میٹر فی گھنٹہ کی رفتار سے ہوائیں چل رہی ہیں۔
دوسری جانب ریسکیو حکام نے بتایا کہ گلشن اقبال بلاک 17 میں تیز ہواؤں کے باعث درخت گرگیا، درخت کے ساتھ بجلی کا کھمبا بھی گرا جس سے سڑک ٹریفک کے لیے بند ہوگئی۔
