30 اگست ، 2024 
گوگل میپس میں خاموشی سے کی جانے والی بڑی تبدیلی
30 اگست ، 2024
کیا آپ کو گوگل میپس پہلے کے مقابلے میں مختلف محسوس ہو رہا ہے؟ اگر ہاں ایسا صرف آپ کے ساتھ ہی نہیں ہو رہا۔
گوگل نے خاموشی سے میپس میں ہوٹلوں، ساحلوں اور دیگر اہم مقامات کو ہائی لائٹ کرنے کے لیے استعمال ہونے والی پنز (pins) کو ری ڈیزائن کیا جاتا ہے۔
بظاہر تو یہ تبدیلی معمولی ہے مگر اس سے گوگل میپس کا ڈیزائن کافی حد تک تبدیل محسوس ہونے لگا ہے۔
اس سے قبل گوگل میپس میں ایک لمبی اور تنگ سوئی جیسی پن کو استعمال کیا جاتا تھا۔
مگر اب پنز کا حجم چھوٹا کیا جا رہا ہے جبکہ ان کا نچلا حصہ موٹے گول پوائنٹ جیسا ہوگا۔
ہر پن کے نچلے گول حصے میں سفید جبکہ اوپر کے حصے میں دیگر رنگ استعمال کیے جائیں گے۔
مثال کے طور پر میوزیمز کے لیے اب جامنی یا ہوٹلوں کے لیے نارنجی رنگ کی پنز استعمال کی جائیں گی۔
اس نئے ڈیزائن سے گوگل میپس کی اسکرین پر زیادہ پنز کو استعمال کرنے میں مدد ملے گی۔
گوگل میپس کے اینڈرائیڈ، آئی او ایس اور ویب ورژن کے صارفین کے لیے اس ڈیزائن کو متعارف کرا دیا گیا ہے۔
یہ گوگل کی جانب سے میپس میں متعارف کرائے جانے والی واحد تبدیلی نہیں۔
حالیہ ہفتوں میں گوگل کی اس مقبول سروس میں کافی نئی تبدیلیاں کی گئی ہیں۔
جولائی 2024 کے اختتام پر گوگل میپس کی موبائل ایپ کا ڈیزائن بھی تبدیل کیا گیا تھا۔
مزید خبریں :
گوگل کا میپس کی لوکیشن ہسٹری کو ڈیلیٹ کرنے کا فیصلہ
7 گھنٹے پہلے
ناسا مستقبل کے مسافر طیارے کی تیاری میں مصروف
8 گھنٹے پہلے
واٹس ایپ میں ایک نئے کارآمد فیچر کا اضافہ
27 نومبر ، 2024
انسٹا گرام میں اب واٹس ایپ کی طرح لائیو لوکیشن شیئرنگ ممکن
26 نومبر ، 2024
