دنیا کے کتنے ممالک میں پاکستانی آم ایکسپورٹ ہوا؟ تفصیل قومی اسمبلی میں پیش

وزارت تجارت نے رواں سال آم کی برآمدات کی تفصیلات قومی اسمبلی میں پیش کردی۔

وزارت تجارت کے مطابق برطانیہ، جرمنی، سعودی عرب، ترکیہ اور قطر رواں برس پاکستانی آم سے لطف اندوز ہوئے، پاکستان نے 42 ممالک کو آم برآمد کرکے 4 کروڑ 67 لاکھ ڈالرز کمائے۔

وزارت تجارت کا کہنا تھاکہ رواں مالی سال کے دوران 13ہزار 681 میٹرک ٹن آم برآمد کیا گیا۔

اعداد وشمار کے مطابق سب سے زیادہ ایک کروڑ 32 لاکھ ڈالرکے آم برطانیہ اور 92 لاکھ امریکی ڈالرکے آم متحدی عرب امارات کو برآمد کیے گئے۔

شدید موسمیاتی تبدیلیوں سے آم کی فصل متاثر، پیداوار 6 لاکھ ٹن کم ہوگئی

25 ہزار ٹن آم ایکسپورٹ کے قابل نہیں رہا، حکومت بھی خاموش ہے، اس صورتحال میں پہلے سے خراب ملکی معیشت پر گہرا اثر پڑ سکتا ہے: ماہرین

وزارت تجارت نے مزید بتایاکہ افغانستان کو 22لاکھ ڈالر، سعودی عرب کو 13لاکھ اور عمان کو 17لاکھ ڈالر کے آم برآمد کیے گئے، جرمنی کو 19لاکھ ڈالر جبکہ دیگر ممالک کو 44لاکھ ڈالر کے آم برآمد کیے گئے۔