01 ستمبر ، 2024 
پاکستان
سینیٹر مشتاق سمیت سیوغزہ تحریک کے متعدد شرکا کو کل دفعہ 144 کی خلاف ورزی پرحراست میں لیا گیا تھا: فائل فوٹو
اسلام آباد پولیس نے مشتاق احمد سمیت غزہ مارچ کے گرفتار تمام شرکا کو رہا کردیا
01 ستمبر ، 2024
اسلام آباد پولیس نے جماعت اسلامی کے رہنما اور سابق سینیٹر مشتاق احمد سمیت حراست میں لیے گئے دیگر افراد کو رہا کر دیا۔
ترجمان اسلام آباد پولیس کے مطابق دوبارہ ایسا نہ کرنے کی تحریری گارنٹی پر سابق سینیٹر مشتاق احمد اور ان کی اہلیہ سمیت سیو غزہ موومنٹ کے افراد کو رہا کر دیا۔
یاد رہے کل گزشتہ روز اسلام آباد پولیس نے سیو غزہ موومنٹ کے متعدد شرکا کو دفعہ 144 کی خلاف ورزی پرحراست میں لیا تھا۔
اس سے قبل اسی سال 22 جون کو وزیر داخلہ محسن نقوی سے سابق سینٹر مشتاق احمد کی ملاقات ہوئی تھی جس کے بعد اسلام آباد میں41 روز سے جاری سیو دی غزہ دھرنا ختم کرنے کا اعلان کیا گیا تھا۔
