برطانیہ: ٹوری کونسلر کی اہلیہ نے نسلی منافرت کو ہوا دینے کے جرم کا اقرار کرلیا

برطانیہ کے علاقے ساؤتھ پورٹ میں حالیہ ہنگاموں میں ملوث افراد کے خلاف قانونی کارروائیاں جاری ہیں۔ 

ٹوری کونسلر کی اہلیہ لوسی کونولی نے عدالت میں نسلی منافرت کو ہوا دینے کے جرم کا اقرار کرلیا۔ 

41 سالہ لوسی کونولی نے اپنی پوسٹ میں سیاسی پناہ گزینوں کے ہوٹل کو  آگ لگانے کا کہا تھا، ملزمہ کو قید کی سزا ہونے کا امکان ہے جس کا فیصلہ 17 اکتوبر کو سنایا جائے گا۔ 

خیال رہےکہ 30 جولائی کو ساؤتھ پورٹ میں ٹیلر سوئفٹ تھیمڈ یوگا اور ڈانس ورکشاپ کے دوران چاقو حملے میں 3 بچیاں ہلاک ہوگئی تھیں جس کے بعد ساؤتھ پورٹ سمیت برطانیہ کے مختلف شہروں میں ہنگامے پھوٹ پڑے تھے، ان ہنگاموں میں دائیں بازو کے انتہا پسندوں کی جانب سے مسلم کمیونٹی کو نشانہ بنایا گیا۔

اس ہنگامہ آرائی کے بعد سے اب تک 88 ہزار سے زیادہ افراد کو حراست میں لیا جاچکا ہے جبکہ گزشتہ ایک ماہ کےدوران جیل جانے والےقیدیوں کی تعداد 998 رہی۔

برطانیہ میں حالیہ فسادات کی وجہ بننے والی فیک نیوز کہاں سے آئی؟

فیک نیوز کو ایک کرائم ویب سائٹ چینل تھری ناؤ سے نشر کیا گیا تھا جس میں امریکی صحافی، کینیڈین اور پاکستانی شہری بھی کام کرتے تھے

برطانیہ میں حالیہ فسادات کے بعدگرفتار افراد کی وجہ سے جیلوں میں جگہ مزیدکم پڑگئی

رپورٹ کے مطابق جیلوں میں جگہ نہ ہو نے کے باعث پیشی کے منتظر قیدیوں کو پولیس سیل میں رکھنےکا فیصلہ کیا گیا ہے