گوجرانوالہ: کئی سال سے طالبات کو جنسی زیادتی کا نشانہ بنانے والا سرکاری اسکول ٹیچر کا شوہر گرفتار

گوجرانوالہ: کئی سال تک طالبات کو مبینہ طور پر زیادتی کا نشانہ بنانے کے الزام میں سرکاری اسکول ٹیچر کے شوہر کو گرفتار کر لیا گیا۔

پولیس کے مطابق ملزم نے طالبات کی ویڈیوز بھی بنا رکھی تھیں جس کی وجہ سے متاثرہ بچیاں ڈر کے مارے خاموش رہیں، ملزم کئی سال سے اسکول میں بچیوں کو زیادتی کا نشانہ بنا رہا تھا۔

پولیس کا کہنا ہے کہ متاثرہ طالبات کی عمریں 11 سے 14 سال کے درمیان ہیں، ایک بچی نےگھر والوں کو اس بارے میں بتایا جس پر والدین نے مل کر پولیس سے رابطہ کیا۔

پولیس حکام کے مطابق گرفتار ملزم کے خلاف 5 مقدمات درج کر لیے گئے ہیں، 5 بچیوں کے میڈیکل بھی کروائے جس میں بچیوں سے زیادتی ثابت ہوئی ہے۔

نارووال: ملزمان کی گھر میں گھس کر گن پوائنٹ پر خاتون سے مبینہ جنسی زیادتی

متاثرہ خاتون کے شوہر نے الزام عائد کیا کہ دو ملزمان دیواریں پھلانگ کر گھر میں داخل ہوئے اور بیوی کو گن پوائنٹ پر زیادتی کا نشانہ بنایا: پولیس

پولیس کا کہنا ہے کہ ملزم نے اعتراف بھی کر لیا ہے اور متاثرہ بچیوں کی تعداد زیادہ ہے۔

طالبات کے ساتھ جنسی زیادتی کے واقعات سامنے آنے کے بعد پولیس نے اسکول کو بھی تالہ لگا کر بند کر دیا ہے اور معاملے کی مزید تحقیقات کی جا رہی ہیں۔