05 ستمبر ، 2024 
پاکستان
دن کے اوقات میں پبلک ٹرانسپورٹ چلانے کا فیصلہ مسافروں کی حفاظت کے پیش نظر کیا گیا ہے: حکام/ فائل فوٹو
بلوچستان میں دن کے اوقات میں پبلک ٹرانسپورٹ چلانے کا فیصلہ
05 ستمبر ، 2024
کوئٹہ: بلوچستان میں پبلک ٹرانسپورٹ کو دن میں چلانےکا فیصلہ کیا گیا ہے۔
کوئٹہ میں ایڈیشنل کمشنرکی زیرصدارت پبلک ٹرانسپورٹ کے لیے سکیورٹی سے متعلق اجلاس ہوا جس میں فیصلہ کیا گیا کہ صوبے میں پبلک ٹرانسپورٹ کو صرف دن کے اوقات میں چلایا جائے گا۔
حکام کا کہنا ہےکہ بلوچستان میں دن کے اوقات میں پبلک ٹرانسپورٹ چلانے کا فیصلہ مسافروں کی حفاظت کے پیش نظر کیا گیا ہے جب کہ اس دوران رات میں بھی قافلے کی صورت میں ٹرانسپورٹ چلانےکی تجویز زیرغور آئی۔
واضح رہے کہ گزشتہ دنوں بلوچستان میں دہشتگردی کے پے در پے واقعات میں 55 افراد جاں بحق ہوئے۔
