08 ستمبر ، 2024 
دنیا
فورسز کی جوابی فائرنگ میں مسلح شخص بھی ہلاک ہوگیا، اسرائیلی حکام/ فوٹو: غیر ملکی میڈیا
اردن سے مسلح حملہ آور کا مغربی کنارے میں داخل ہوکر حملہ، 3 اسرائیلی ہلاک
08 ستمبر ، 2024
اردن کے ساتھ واقع فلسطینی مغربی کنارےکی سرحد پر فائرنگ کا واقعہ پیش آیا جس میں 3 اسرائیلی ہلاک ہوگئے۔
عرب میڈیا کی خبر کے مطابق ایک ٹرک سوار حملہ آور مغربی کنارے پر ملنے والی سرحد ایلنبی برج کراسنگ سے داخل ہوا اور فائر کھول دیا جس کے نتیجے میں 3 اسرائیلی ہلاک ہوگئے۔
اسرائیلی حکام نے بھی فائرنگ کے واقعے میں 3 افراد کی ہلاکت کی تصدیق کرتے ہوئے کہا کہ اسرائیلی فورسز کی جوابی فائرنگ میں مسلح شخص بھی ہلاک ہوگیا۔
دوسری جانب اردنی وزارت داخلہ کا کہنا ہے کہ کنگ حسین کراسنگ پر فائرنگ واقعے کی تحقیقات شروع کردی ہیں اور اردن سرحد پر قائم کنگ حسین پل بھی آمدورفت کے لیے بند کر دیا ہے۔
