08 ستمبر ، 2024 
گوگل کروم میں بہترین اے آئی ٹول صارفین کو دستیاب
08 ستمبر ، 2024
گوگل کی جانب سے آرٹی فیشل انٹیلی جنس (اے آئی) ٹیکنالوجی پر مبنی اسسٹنٹ جیمنائی کو اس کی تمام سروسز کا حصہ بنایا جا رہا ہے۔
اب کمپنی کی جانب سے ایک نئے جیمنائی ٹول کو گوگل کروم کا حصہ بنایا گیا ہے تاکہ لوگوں کی اس تک رسائی آسان ہوجائے۔
دنیا بھر میں گوگل کروم سب سے زیادہ استعمال ہونے والا ویب براؤزر ہے۔
اس فیچر سے کروم پر جیمنائی تک رسائی ایڈریس بار سے ہی ممکن ہو جائے گی اور کمپنی کو توقع ہے کہ اس سے اے آئی اسسٹنٹ کا استعمال بڑھے گا۔
اس فیچر کو استعمال کرنے کا طریقہ بھی بہت آسان ہے۔
اس کے لیے کروم براؤزر اوپن کریں اور ایڈریس بار پر @gemini ٹائپ کریں جس کے بعد کوئی بھی سوال لکھ کر پوچھ لیں۔
ایسا کرنے کے بعد کروم آپ کو اسی براؤزر ونڈو میں جیمنائی ہوم پیج پر لے جائے گا۔
گوگل کروم اے آئی اسسٹنٹ کو اپنا حصہ بنانے والا واحد براؤزر نہیں۔
مائیکرو سافٹ ایج نے بھی کو پائلٹ اے آئی اسسٹنٹ کو اپنا حصہ بنایا ہوا ہے۔
اس سے قبل گوگل نے جیمنائی پر مبنی ویژول سرچز کو گوگل لینس کے ذریعے کروم کا حصہ بنایا تھا۔
مزید خبریں :
ٹک ٹاک سے کمانے کیلئے کتنے فالوورز ضروری ہیں؟
20 دسمبر ، 2024
ایپل کا سب سے پتلا آئی فون دیکھنے میں کیسا ہوگا؟
20 دسمبر ، 2024
کیا آپ کو معلوم ہے کہ لیزر کن الفاظ کا مخفف ہے؟
18 دسمبر ، 2024
