سابق امریکی صدر جارج بش کا ڈونلڈ ٹرمپ کی توثیق سے گریز

واشنگٹن: امریکا کے سابق ری پبلکن صدر جارج ڈبلیو بش  نے سابق امریکی صدر ڈونلڈ ٹرمپ کی توثیق سے گریز کیا ہے۔

غیر ملکی خبر رساں ادارے کے مطابق سابق صدر کے ترجمان کا کہنا ہے کہ جارج ڈبلیوبش اورنہ ہی ان کی اہلیہ ظاہرکریں گےکہ نومبر میں کس کو ووٹ دینا ہے۔

سابق امریکی نائب صدر نے ٹرمپ کو امریکا کیلئے بڑا خطرہ قرار دیدیا، کملا ہیرس کی حمایت کا اعلان

ری پبلکن ڈک چینی کی حمایت حاصل ہونے پر کملاہریس کوفخر ہے: ڈیموکریٹس

بش دورکے نائب صدرڈک چینی نےگزشتہ ہفتےکاملا ہیرس کی حمایت کرکے سیاسی حلقوں میں ہلچل مچادی تھی۔

ڈک چینی نے کملا ہیرس کی حمایت اور ڈونلڈ ٹرمپ کی مخالفت کرتے ہوئے کہا تھا کہ امریکا کے لیے کوئی شخص اتنا بڑا خطرہ نہیں جتنا ڈونلڈ ٹرمپ ہیں۔ 

یاد رہے کہ امریکا میں رواں سال 5 نومبر کو صدارتی الیکشن کے لیے ووٹنگ ہونی ہے جہاں امریکی نائب صدر کملا ہیرس ڈیموکریٹ امیدوار ہیں جب کہ ری پبلکن پارٹی کی طرف سے سابق صدر ڈونلڈ ٹرمپ الیکشن لڑیں گے۔