جیکب آباد : خاتون پولیو ورکر نے زیادتی کے واقعےکی تردیدکردی

جیکب آباد  میں  انسداد  پولیو کے قطرے پلانے والی خاتون نے خود سے زیادتی کی تردید کردی۔

ایک بیان میں خاتون پولیو ورکر کا کہنا تھا کہ میرے ساتھ کوئی زیادتی نہیں ہوئی، ہم قطرے پلا کر واپس آرہے تھے کہ ایک گھر میں آدمی نے سرپرپستول رکھ دی، مجھ سےموبائل اور پیسےمانگےجو میں نے دے دیے۔

خاتون پولیو  ورکر کا کہنا تھا کہ  میرےدل کی دھڑکن تیز اور طبعیت خراب ہوگئی، ساتھی ورکر مجھے اسپتال لے آیا، جس آدمی نے فون اور پیسے  چھینے اسے پہچان سکتی ہوں۔

خیال رہے کہ اس سے قبل خبر آئی تھی کہ  جیکب آباد کے  نواحی گاؤں اللہ بخش جکھرانی میں پولیو کے خاتمے کے قطرے پلانےکے لیے  جانے والی ورکر  سے مبینہ زیادتی کا واقعہ پیش آیا ہے۔

ایس ایس پی سمیرنور کا کہنا  تھا کہ  ملزمان کی گرفتاری کے لیے چھاپے مارے جا رہے ہیں۔

ڈپٹی کمشنر ظہور مری کا کہنا تھاکہ لیڈی پولیو  ورکر سے زیادتی کی تصدیق میڈیکل رپورٹ کے بعدکی جائےگی۔

بہاولنگر: انسداد پولیو مہم کے دوران سخت گرمی اور حبس سے خاتون پولیو ورکر جاں بحق

خاتون کو فوری طور پر ڈسٹرکٹ اسپتال منتقل کیا گیا مگر طبی امداد کے دوران خاتون جانبر نہ ہوسکیں

فیصل آباد میں ڈکیتی کے دوران دو خواتین سے مبینہ زیادتی کا واقعہ

متاثرہ خاندان نے ابتدا میں چار ملزمان کے خلاف ڈکیتی کے الزام کی درخواست دی تھی جس پر مقدمہ درج ہوا بعد میں متاثرہ خاندان نے دو خواتین سے زیادتی کا الزام لگایا جس پر زیادتی کی دفعات بھی مقدمے میں شامل کرلی گئی : پولیس