پشاور ہائیکورٹ نے اینٹی کرپشن ٹیم کو جج ہمایوں دلاورکی گرفتاری سے روک دیا

پشاور ہائی کورٹ نے اینٹی کرپشن ٹیم کو  بنوں میں سرکاری اراضی پر مبینہ قبضےکے کیس میں اسپیشل جج سینٹرل 2 اسلام آباد ہمایوں دلاور کی گرفتاری سے روک دیا۔

پشاور ہائی کورٹ بنوں بینچ میں اراضی اسکینڈل کیس کی سماعت ہوئی۔ سماعت میں جج ہمایوں دلاور کے  وکلا پیش ہوئے اور  ایف آئی آر ہائی کورٹ میں چیلنج کردی۔

جج ہمایوں دلاور کے وکیل کا کہنا تھا کہ 419 کنال کی اراضی کا جج کے والد حاجی دلاور خان کی ملکیت میں ہونے کا ریکارڈ محکمہ  مال میں موجود ہے، اراضی میں رہائشی کالونی بنانے کے لیے انتظامیہ نے باقاعدہ  این اوسی جاری کیا تھا۔

بنوں میں سرکاری اراضی پر مبینہ قبضے کا کیس، جج ہمایوں دلاور کے وارنٹ جاری

اسلام آباد کی عدالت کے جج ہمایوں دلاور نے 5 اگست 2023 کو توشہ خانہ کیس میں عمران خان کو قید اور جرمانے کی سزا سنائی تھی

وکیل کا مزید کہنا تھا کہ 9 ستمبر کو  جج ہمایوں دلاور کے خلاف ایف آئی آر درج کی گئی، اگلے روز  وارنٹ جاری  ہوئے، ایف آئی آر  بانی پی ٹی آئی  عمران خان کے  خلاف فیصلہ دینے پر درج کی گئی۔

پشاور ہائی کورٹ نے اینٹی کرپشن ٹیم کو جج ہمایوں دلاور کی گرفتاری سے روک دیا۔

 خیال رہے کہ  سرکاری اراضی پر مبینہ قبضے  پر جوڈیشل مجسٹریٹ  نے جج ہمایوں دلاور کے وارنٹ گرفتاری جاری کیے تھے، وارنٹ میں جج کے والد دلاور خان، بھائی صادق خان اور رجسٹرار کا نام بھی شامل ہے۔

ملزمان پر قیمتی سرکاری اراضی پر غیرقانونی طریقے سے قبضہ کرنےکا الزام ہے۔

محکمہ اینٹی کرپشن کا کہنا ہے کہ  1976 اور 1980 کے درمیان 39 کنال اراضی کا غیرقانونی طریقے سے انتقال کیا گیا۔

خیال رہے کہ اسلام آباد کی عدالت کے جج ہمایوں دلاور نے 5 اگست 2023 کو توشہ خانہ کیس میں پاکستان تحریک انصاف کے بانی عمران خان کو قید اور جرمانے کی سزا سنائی تھی۔

بعدازاں اسلام آباد ہائی کورٹ نے توشہ خانہ کیس میں عمران خان کی سزا معطل کردی تھی اور ضمانت پر رہائی کا حکم دیا تھا۔

عمران کیخلاف پوسٹیں جج ہمایوں دلاور کے اکاؤنٹ سے نہیں کی گئیں، ایف آئی اے رپورٹ

ہمایوں دلاور کے نام سے اکاؤنٹ کا باقاعدہ یو ار ایل نمبر موجود ہے، ان کا اکاؤنٹ 2014 میں بنا جس پر ذاتی پوسٹیں موجود ہیں: ایف آئی اے

توشہ خانہ کیس: عمران خان کو تین سال قید کی سزا کا حکم، چیئرمین پی ٹی آئی لاہور سے گرفتار

چیئرمین تحریک انصاف عمران خان کو لاہور پولیس نے زمان پارک سے گرفتار کیا ہے