صدارتی انتخاب میں ’کم برے‘ امیدوار کو ووٹ دیں، پوپ فرانسس کا کیتھولک امریکیوں کو مشورہ

کیتھولک عیسائیوں کے مذہبی پیشوا پوپ فرانسس نے کہا ہے کہ کیتھلوک امریکی، صدارتی انتخابات میں ووٹ دیتے وقت ’کم برے‘ امیدوار کا انتخاب کریں۔

غیر ملکی خبررساں ایجنسی کے مطابق سنگاپور سے روم واپس جاتے ہوئے طیارے میں صحافیوں سے گفتگو میں پوپ فرانسس نے امریکی صدارتی امیدوار ڈونلڈ ٹرمپ پر تارکین وطن کی ملک بدری کے منصوبے اور کملا ہیرس پر اسقاط حمل کی حمایت پر تنقید کی۔

پوپ فرانسس نے کہا کہ تارکین وطن کو اپنے ملک آنے نہ دینا ایک ’بڑا گناہ‘ ہے۔ انہوں نے اسقاط حمل کو بھی ’قتل‘ سے تشبیہہ دی۔

پوپ فرانسس نے دونوں امیدواروں کا نام لیے بغیر ان کی پالیسیوں پر تنقید کی، تاہم اس تنقید کے ساتھ ساتھ انہوں نے کیتھولک امریکیوں کو ووٹ دینے کی ترغیب دی۔

پوپ فرانسس نے کہا کہ ووٹ نہ دینا درست نہیں ہے، ووٹ دینا چاہیے۔ پوپ نے کہا کہ دونوں امیدواروں میں ’کم برا کون‘ ہے؟ وہ خاتون یا وہ حضرت، میں نہیں جانتا، سب کو اپنے  ضمیر کے مطابق اس کا فیصلہ کرنا چاہیے۔

خیال رہے کہ امریکا میں کیتھولک عیسائیوں کی تعداد 5 کروڑ 20 لاکھ ہے اور انہیں اکثر اہم سوئنگ ووٹر کے طور پر دیکھا جاتا ہے۔ پینسلوینیا اور وسکونسن جیسی اہم ریاستوں میں 20 فیصد سے زائد بالغ افراد کیتھولک ہیں۔

تارکین وطن پر ٹرمپ کے جھوٹے الزامات سے متاثر امریکی شہری کی شہر کو بم سے اڑانے کی دھمکی

دھمکیاں کسی مقامی شہری کی طرف سے شہر میں تارکین وطن کی بڑہتی ہوئے تعداد پر غصے کا اظہار کرنے کیلئے دی گئیں تھیں: میئر اسپرنگ فیلڈ

امریکی صدارتی مباحثہ: ٹرمپ اور کملا ہیرس میں سے کس نے زیادہ جھوٹ بولا؟

مباحثے کے دوران ڈونلڈ ٹرمپ نے 7 ایسے دعوے کیے جوکہ گمراہ کن تھے، اس کے برعکس کملا ہیرس نے 2 گمراہ کن دعوے کیے۔