16 ستمبر ، 2024 
یوٹیوب میں کی جانے والی ایسی تبدیلی جو آپ کو بالکل پسند نہیں آئے گی
16 ستمبر ، 2024
دنیا کی مقبول ترین ویڈیو شیئرنگ سروس یوٹیوب میں ایک ایسی تبدیلی کی جا رہی ہے جو آپ کو بالکل پسند نہیں آئے گی۔
یوٹیوب میں کافی عرصے سے صارفین کو اشتہارات دیکھنے پر مجبور کرنے لیے کام کیا جا رہا ہے۔
2023 کے شروع میں یوٹیوب میں ایسے اشتہارات دکھانے کا سلسلہ شروع کیا گیا تھا جن کو اسکیپ کرنا ممکن نہیں تھا جبکہ دسمبر 2023 میں اسمارٹ ٹیلی ویژن (ٹی وی) پر طویل اشتہارات دکھائے جانے لگے۔
اب یوٹیوب میں ایک اور بڑی تبدیلی کی جا رہی ہے۔
9 ٹو 5 گوگل کے مطابق اگر آپ ٹی وی پر یوٹیوب استعمال کرتے ہیں تو ویڈیوز کو روکنے یا پوز (pause) کرنے پر بھی آپ کو اشتہارات نظر آئیں گے۔
اس تبدیلی کا اعلان 2024 کے شروع میں کیا گیا تھا مگر اسے اب متعارف کرایا جا رہا ہے۔
رپورٹ کے مطابق محدود صارفین کے لیے اسے متعارف کرایا گیا ہے۔
رہورٹ میں بتایا گیا کہ جب آپ پوز کریں گے تو ویڈیو فل اسکرین کی بجائے چھوٹی ونڈو میں نظر آئے گی جس کے برابر میں اشتہار موجود ہوگا اور اس کے نیچے ڈسمس بٹن موجود ہوگا۔
فی الحال یہ اشتہارات ویڈیوز کی بجائے ساکت شکل میں نظر آئیں گے۔
رپورٹ کے مطابق اس تبدیلی کا مقصد یہ ہے کہ زیادہ سے زیادہ افراد یوٹیوب پریمیئم کے رکن بنیں۔
مزید خبریں :
مائیکرو سافٹ نوٹ پیڈ میں اے آئی فیچر کا اضافہ
8 گھنٹے پہلے
کینیڈا کا ٹک ٹاک کو اپنی سرزمین پر بزنس آپریشنز بند کرنیکا حکم
07 نومبر ، 2024
واٹس ایپ میں ریورس امیج سرچ فیچر کا اضافہ
06 نومبر ، 2024
دنیا کا پہلا لکڑی سے بنا سیٹلائیٹ خلا میں بھیج دیا گیا
05 نومبر ، 2024
ایکس کے بلاک فیچر میں متنازع تبدیلی کو متعارف کرا دیا گیا
05 نومبر ، 2024
