190 ملین پاؤنڈ کیس، عمران اور بشریٰ بی بی کی بریت اور ٹرائل روکنے کیلئے ہائیکورٹ میں درخواست دائر

پاکستان تحریک انصاف کے بانی عمران خان اور ان کی اہلیہ بشریٰ بی بی نے 190 ملین پاؤنڈ نیب کیس میں بریت کیلئے اسلام آباد ہائیکورٹ سے رجوع کر لیا۔ 

احتساب عدالت نے بریت کی درخواست مسترد کی تھی جس کے فیصلے کو اسلام آباد ہائی کورٹ میں چیلنج کیا گیا۔

بیرسٹر سلمان صفدر اور خالد یوسف چوہدری ایڈوکیٹ کے ذریعے اسلام آباد ہائی کورٹ میں دائر کی گئی درخواست میں مؤقف اختیار کیا گیا ہے کہ پٹیشنرز کے خلاف ایسا کوئی مواد ریکارڈ پر نہیں جس کی بنیاد پر سزا سنائی جا سکے، میرٹ پر بریت بنتی تھی جو احتساب عدالت نے نہیں دی اور بریت کی درخواست مسترد کر دی ۔

درخواست میں ہائیکورٹ سے استدعا کی گئی ہےکہ احتساب عدالت کا 12 ستمبر کا فیصلہ کالعدم قرار دے کر بانی پی ٹی آئی اور بشریٰ بی بی کو اس مقدمے سے بری کیا جائے۔

190 ملین پاؤنڈ ریفرنس میں عمران خان کی بریت کی درخواست مسترد

190 ملین پاؤنڈ ریفرنس کی سماعت احتساب عدالت کے جج ناصر جاوید رانا نے اڈیالہ جیل میں کی

ہائیکورٹ میں ہی ٹرائل کورٹ میں ٹرائل پروسیڈنگ روکنے کیلئے بھی متفرق درخواست دائر کی گئی۔ درخواست میں کہا گیا ہے کہ بریت کی درخواست پر فیصلے تک احتساب عدالت میں ٹرائل روکا جائے۔