آزاد کشمیر سے ریسکیو کی گئی مادہ تیندوہ انتقال کر گئی

آزاد کشمیر سے ریسکیو کی گئی مادہ تیندوہ (ملکہ) انتقال کر گئی۔

گزشتہ دنوں آزاد کشمیر سے تشویشناک حالت میں مادہ تیندوے کو ریسکیو کیا گیا تھا۔

وائلڈ لائف منیجمنٹ بورڈ کے مطابق مادہ تیندوے کے جسم سے ایک گولی کو کامیابی سے نکال لیا گیا تھا لیکن جسم میں موجود مزید 3 گولیاں موت کی وجہ بنی۔

وائلڈ لائف منیجمنٹ بورڈ کے حکام نے بتایا کہ مادہ تیندوے کو ایک گولی دل کے قریب دوسری گولی ریڑھ کی ہڈی کے قریب لگی تھی۔

آزاد کشمیر سے تشویشناک حالت میں ریسکیو مادہ تیندوے کو 4گولیاں لگنےکا انکشاف

ڈاکٹراب تک مادہ تیندوے کے جسم سے صرف ایک گولی نکالنے میں کامیاب ہوئے ہیں

وائلڈ لائف منیجمنٹ بورڈ کے مطابق آزاد کشمیر کے محکمہ جنگلی حیات نے ملزموں کیخلاف قانونی کارروائی کا آغاز کردیا ہے۔

مادہ تیندوے کی باڈی کو پاکستان میوزیم آف نیچرل ہسٹری منتقل کر دیا گیا ہے۔

اسلام آباد وائلڈ لائف منیجمنٹ بورڈ نے آزاد جموں کشمیر کے محکمہ جنگلی حیات کو ملکہ کی موت سے متعلق آگاہ کر دیا ہے۔