22 ستمبر ، 2024 
سرکاری و نجی میڈیکل کالجز و جامعات کے داخلہ ٹیسٹ میں بدانتظامی، کراچی میں پرچہ لیک ہونیکی شکایت
22 ستمبر ، 2024
ملک بھر میں آج سرکاری و نجی میڈیکل و جامعات کے داخلہ ٹیسٹ میں بدانتظامی کی اطلاعات موصول ہوئیں۔
کراچی، اسلام آباد، لاہور، کوئٹہ اور پشاور سمیت ملک بھر کے سرکاری اور نجی میڈیکل اور ڈینٹل کالج و جامعات کے ایم بی بی ایس اوربی ڈی ایس داخلہ ٹیسٹ ہوئے۔
ملک بھر میں ایک لاکھ 67 ہزار 77 امیدوار 18ہزار سے زائد نشستوں کے لیے امتحان ہوا جبکہ اس دوران مختلف جگہوں پر بدانتظامی کی اطلاعات بھی سامنے آئیں۔
ذرائع کا کہنا ہے کہ کراچی میں ایم ڈی کیٹ کا پرچہ مبینہ طورپر شروع ہونے سے پہلے ہی لیک ہوگیا، پرچہ رات 12 بجے لیک ہوا جس پر ڈاؤ یونیورسٹی و اسپتال کی انتظامیہ نے وائرل پیپر کو بے بنیاد قرار دے کر مسترد کردیا۔
سندھ میں ایم ڈی کیٹ ٹیسٹ کی ذمہ داری ڈاؤ یونیورسٹی کو سونپی گئی تھی، سندھ بھر سے تقریباً 38 ہزار 700 امیدواروں نے حصہ لیا جن میں سے 13 ہزار بچے کراچی سے ہیں۔
کراچی میں این ای ڈی یونیورسٹی اور ڈاؤ یونیورسٹی کے اوجھا کیمپس میں امتحانی مراکز قائم کیے گئے۔
