بھارت بنگلا دیش ٹیسٹ: بھارتی میڈیا نے کانپور اسٹیڈیم کی حالت زار کا پردہ چاک کر دیا

بھارت اور بنگلا دیش کے درمیان ٹیسٹ میچ کے وینیو کانپور اسٹیڈیم کی حالت زار پر سوالات اٹھنے لگے۔

بھارتی میڈیا نے کانپور اسٹیڈیم کی حالت زار کا پردہ چاک کر دیا، ٹیموں کے درمیان دوسرا ٹیسٹ 27 ستمبر سے کانپور میں کھیلا جانا ہے، اس اسٹیڈیم کے ایک اسٹینڈ کو خطرناک قرار دے دیا گیا ہے۔

اتر پردیش کے پبلک ورکس ڈپارٹمنٹ نے اسٹیڈیم کی انتظامیہ کو اس حوالے سے آگاہ کردیا ہے، اسٹیڈیم کی بالکونی 'سی' خطرناک ہے، مکمل گنجائش کے ساتھ تماشائی نہیں بیٹھ سکتے، اگر مکمل گنجائش کے ساتھ تماشائی بیٹھے تو بالکونی گر سکتی ہے۔

بھارتی ٹیم نے ٹیسٹ کرکٹ میں92 سال بعد تاریخی سنگ میل عبور کرلیا

بھارت نے اپنا پہلا ٹیسٹ 1932میں سی کے نائیڈو کی قیادت میں کھیلا تھا لیکن اسے 158رنز سے شکست کا سامنا کرنا پڑا

ڈپارٹمنٹ نے آگاہ کیا کہ بالکونی سی کے ٹکٹ گنجائش سے آدھے فروخت کے لیے رکھے گئے، اس کی  گنجائش 4800 ہے، جبکہ 1700 ٹکٹ بیچے جائیں گے۔ 50 افراد نے بھی بالکونی میں اچھل کود کی تو بالکونی گر سکتی ہے۔

اس کے علاوہ کانپور اسٹیڈیم کے وی آئی پی اسٹینڈ کے قریب فلڈ لائٹس کے 8 بلب بھی خراب ہیں، یہاں ہمیشہ روشنی کا مسئلہ رہا ہے، آلودگی کی وجہ سے حد نگاہ کم ہوتی ہے۔

اس سے قبل نیوزی لینڈ کے خلاف بھارت خراب روشنی کے باعث ٹیسٹ میچ بھی نہیں جیت سکا تھا، نیوزی لینڈ کے خلاف ٹیسٹ میں تمام لائٹس فنکشنل تھیں۔