شکیب الحسن کی مشکلات میں اضافہ، ہیرا پھیری کرنے پر 50 لاکھ جرمانہ عائد

ڈھاکا:  قتل کے مقدمے میں نامزد سابق بنگلادیشی کپتان شکیب الحسن کی مشکلات میں مزید اضافہ ہوگیا۔

مقامی میڈیا کے مطابق بنگلا دیش سکیورٹیز اینڈ ایکسچینج کمیشن نے شکیب الحسن اور 6 دیگر افراد اور کمپنیوں پرانشورنس کمپنی کے حصص کی قیمت میں ہیرا پھیری کرنے پر بھاری جرمانہ عائد کر دیا ۔

بنگلادیشی میڈیا کی رپورٹ میں بتایا گیا ہے کہ منگل کو شکیب الحسن سمیت 4 افراد اور 3 کمپنیوں کو مجموعی طور پر 1.63 کروڑ ٹکا جرمانہ کیا گیا۔

رپورٹ کے مطابق انشورنس کمپنی کے حصص کی قیمت میں ہیرا پھیری کرنے پر شکیب الحسن پر 50 لاکھ ٹکا جرمانہ کیا گیا ہے۔

واضح رہے کہ گزشتہ ماہ بنگلا دیش کے اسٹار کرکٹ آل راؤنڈر اور عوامی لیگ سے تعلق رکھنے والے سابق رکن اسمبلی شکیب الحسن پر ڈھاکا میں قتل کا مقدمہ درج کیا گیا تھا۔

بنگلادیشی میڈیا کے مطابق شکیب الحسن پر ڈھاکا میں گارمنٹ فیکٹری کے ملازم کے قتل کا الزام عائد کیا گیا ، مقتول کے والد نے ڈھاکا کے تھانے میں شکیب الحسن کے خلاف قتل کا مقدمہ درج کرایا۔

بنگلا دیشی کرکٹر شکیب الحسن پر قتل کا مقدمہ درج، حسینہ واجد بھی نامزد

شکیب الحسن پر ڈھاکا میں گارمنٹ فیکٹری کے ملازم کے قتل کا الزام عائد کیا گیا ہے: بنگلا دیشی میڈیا

قتل کے مقدمے میں نامزد سابق کپتان شکیب الحسن کو ہوم سیریز کھیلنے کیلئے گرین سگنل مل گیا

شکیب الحسن قتل کے مقدمے میں نامزد ہیں جس کے بعد شکیب وطن واپس نہیں گئے تھے