26 ستمبر ، 2024 
انگلینڈ کیخلاف ٹیسٹ سیریز میں 3 ریزرو کھلاڑی بھی قومی اسکواڈ کا حصہ، کھلاڑی کون ہیں؟
26 ستمبر ، 2024
پاکستان نے انگلینڈ کے خلاف 3 ٹیسٹ میچوں کی سیریز میں 3 ریزرو کھلاڑیوں کو بھی اسکواڈ کے ساتھ رکھنے کا فیصلہ کیا ہے۔
ذرائع کے مطابق پاکستانی کرکٹ سلیکٹرز نے پہلے ٹیسٹ کے لیے کامران غلام، زاہد محمود اور محمد علی کو ریزرو کھلاڑیوں میں شامل کرنے کا فیصلہ کیا ہے جس کا با ضابطہ اعلان چیمپئنز کپ کے بعد کیا جائے گا۔
ذرائع کا بتانا ہے کہ کامران غلام اور زاہد محمود نےچیمپئنز کپ میں غیر معمولی کارکردگی دکھائی جس کے باعث انہیں اسکواڈ کے ساتھ رکھنے کا فیصلہ کیا گیا۔
ذرائع کا کہنا ہے کہ قومی سلیکٹرز نے ریزرو کھلاڑیوں کو حتمی شکل دے دی ہے، تین دن قبل پندرہ رکنی ٹیم کا اعلان کیا گیا تھا اور ٹیسٹ اسکواڈ کو چیمپئنز کپ کے بقیہ میچوں میں شرکت سے روک دیا گیا ہے۔
خیال رہے کہ انگلینڈ 3 ٹیسٹ میچز کھیلنے کے لیے پاکستان آئے گی، دونوں ٹیموں کے درمیان پہلا ٹیسٹ ملتان میں 7 سے 11 اکتوبر تک کھیلا جائے گا۔
مزید خبریں :
اظہر علی کو پی سی بی میں اہم عہدہ مل گیا
3 گھنٹے پہلے
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
سابق ٹیسٹ کرکٹر نذیر جونیئر انتقال کرگئے
21 نومبر ، 2024
کیا فخر زمان کی ٹیم میں واپسی ہوگی؟ ہیڈ کوچ نے لب کشائی کردی
21 نومبر ، 2024
