26 ستمبر ، 2024 
سیلز ٹیکس کی مد میں 3400 ارب کا ٹیکس گیپ، حکومت کا سخت اقداما ت کا فیصلہ
26 ستمبر ، 2024
سیلز ٹیکس کی مد میں بڑے ٹیکس گیپ کے انکشاف کے بعد حکومت کی جانب سے سرمائے سے پیداوار تک کاروبار کے تمام مراحل کو دستاویزی شکل دینےکا فیصلہ کیا گیا ہے۔
ایف بی آر ذرائع کے مطابق سیلز ٹیکس کی مد میں 3400 ارب روپے کے ٹیکس گیپ کا انکشاف ہوا ہے۔
ذرائع کا بتانا ہے کہ حکومتی فیصلے کے مطابق رجسٹریشن سے انکارپر کاروبار سربمہر ہوگا اور 10 لاکھ روپےجرمانہ ہو گا، ساتھ ہی بینک اکاؤنٹ منجمد، پراپرٹی ضبط اور بجلی و گیس کے کنکشن منقطع ہوں گے۔
ذرائع کے مطابق 25 کروڑ سالانہ ٹرن اوور والے مینوفیکچرز اور ہول سیلر زد میں آئیں گے۔
ذرائع کا بتانا ہے کہ رجسٹریشن نہ کرانے والے ڈسٹری بیوٹرز بھی اسی کیٹگری میں آئیں گے جبکہ سالانہ 10 کروڑ سے زیادہ ٹرن اوور والے ری ٹیلرز بھی ریڈار پر ہیں۔
ذرائع کا کہنا ہے کہ کاروبار کی رجسٹریشن نہ کرانے والوں کو پابندیوں کا سامنا کرنا پڑے گا۔
ایف بی آر ذرائع کا کہنا ہے کہ تمام کاروباری شعبوں کی پیداوار اور فروخت کی مانیٹرنگ کی جائے گی۔
مزید خبریں :
پاور سیکٹر کو مزید 50 ارب روپے سے زائد کی سبسڈی دینے کا فیصلہ
22 دسمبر ، 2024
دو روز کی کمی کے بعد فی تولہ سونا یکدم سیکڑوں روپے مہنگا ہوگیا
21 دسمبر ، 2024
پاکستان میں سونے کی درآمدات تاریخ کی بلند ترین سطح پر پہنچ گئیں
20 دسمبر ، 2024
ملک میں سونا مزید سستا ہوگیا
20 دسمبر ، 2024
انٹربینک میں ڈالر پھر مہنگا ہوگیا
20 دسمبر ، 2024
