حزب اللہ ہیڈکوارٹر پر حملے میں حسن نصراللہ کی شہادت، اسرائیلی حملے کی ویڈیو سامنے آگئی

اسرائیل کی جانب سے گزشتہ روز  بیروت میں حزب اللہ کے ہیڈ کوارٹر  پر فضائی حملے کی ویڈیو اسرائیلی میڈیا نے جاری کردی ہے۔

گزشتہ روز اسرائیل نے لبنانی دارالحکومت بیروت کے جنوبی علاقے میں بمباری کی تھی اور اس حملے میں 2 افراد شہید اور متعدد زخمی ہوئے تھے۔

گزشتہ 5 روز میں یہ اسرائیلی فوج کی بیروت پر سب سے طاقتور بمباری تھی، جنوبی ٹاؤن پراسرائیلی بمباری میں 4 عمارتوں کو نقصان پہنچا تھا۔

حزب اللہ نے سربراہ حسن نصر اللہ کی شہادت کی تصدیق کردی

اسرائیل کے خلاف جنگ جاری رہے گی، غزہ و فلسطین کی حمایت اور لبنان کے دفاع کیلئے اپنا جہاد جاری رکھیں گے: حزب اللہ کا اعلان

اسرائیلی میڈیا کی جانب سے ایکس پر فضائی حملے کی ویڈیو شیئر کی گئی ہے جس کے متعلق دعویٰ کیا گیا ہے کہ یہ گزشتہ روز  بیروت میں حزب اللہ کے ہیڈکوارٹر پر حملے کی ویڈیو ہے۔

اسرائیلی فوج کے ترجمان کا کہنا تھا کہ حزب اللہ کا سینٹرل کمانڈ عمارت کے نیچے قائم کیا گیا تھا، بمباری کا اصل ہدف حزب اللہ سربراہ حسن نصراللہ تھے۔

اسرائیل کی جانب سے اس حملے میں حسن نصراللہ کی شہادت کا دعویٰ کیا گیا تھا جس کی اب حزب اللہ نے بھی تصدیق کردی ہے۔

حزب اللہ کے سربراہ حسن نصر اللہ کون تھے؟

1992 میں حسن نصراللہ صرف 32 سال کی عمر میں حزب اللہ کے رہنما منتخب ہوئے

حزب اللہ کی جانب سے جاری بیان میں کہا گیا ہے کہ حسن نصر اللہ شہید ہوگئے۔  اسرائیل کے خلاف جنگ جاری رہے گی، غزہ اور فلسطین کی حمایت، لبنان کے دفاع کے لیے اپنا جہاد جاری رکھیں گے۔

اسرائیل نے بیروت حملے میں حزب اللہ سربراہ کی بیٹی زینب نصراللہ کی بھی شہادت کا دعویٰ کیا ہے۔