لبنان کے بعد اسرائیل کا یمن پر بھی حملہ

صنعا: اسرائیلی فضائیہ کی جانب سے یمن کے شہر حدیدہ  پر حملے کیے گئے ہیں۔

غیر ملکی خبررساں ایجنسی کے مطابق اسرائیلی فوج کی جانب سے جاری بیان میں بتایا گیا ہے  کہ اسرائیلی فضائیہ نے  حدیدہ اور راس عیسیٰ میں بندرگاہ اور بجلی گھروں کو نشانہ بنایا ہے۔

اسرائیلی فوج کے مطابق حملے میں فضائیہ کی درجنوں طیاروں نے حصہ لیا۔

غیر ملکی خبررساں ایجنسی کے مطابق حملے کے بعد حدیدہ شہر کے اکثر علاقوں میں بجلی منقطع ہوگئی۔

عرب میڈیا کے مطابق اسرائیلی طیاروں نے تیل ذخیرہ کرنے والی تنصیبات پر حملے کیے تاہم حوثیوں نے اسرائیلی حملے کے پیش نظر پہلے ہی انہیں خالی کرلیا تھا۔

یمنی وزارت صحت کے مطابق اسرائیلی حملوں میں 4 افراد ہلاک جبکہ 29 زخمی ہوئے ہیں۔

خیال رہے کہ اس سے قبل جولائی میں بھی اسرائیلی فضائیہ نے حوثی باغیوں کے اسرائیلی دارالحکومت تل ابیب پر ڈرون حملے کے جواب میں یمن کے شہر حدیدہ پر فضائی حملے کیے تھے۔

یمنی میڈیا کے مطابق اسرائیلی حملوں میں یمن کے شہر حدیدہ بندرگاہ پر آئل تنصیبات کو نشانہ بنایا گیا تھا جس میں3 افراد جاں بحق اور87 افراد زخمی ہوئے تھے۔

حوثیوں نے اسرائیل پر ہائپرسونک میزائل داغنے کی ویڈیو جاری کردی

حوثی گروپ کی جانب سے داغے جانے والے ہائپرسونک میزائل کا نام ’فلسطین 2‘ ہے۔

اسرائیل نے حوثیوں کے تل ابیب پر ڈرون حملے کے جواب میں یمن کی بندرگاہ پر حملہ کر دیا

اسرائیلی حملوں میں یمن کے شہر حدیدہ کی بندرگاہ پر آئل تنصیبات کو نشانہ بنایا گیا ہے جس میں3 افراد جاں بحق اور87 افراد زخمی ہوئے ہیں: یمنی میڈیا