لیجنڈری اداکار رجنی کانت طبیعت ناساز ہونے پر اسپتال منتقل

بھارت کے لیجنڈری اداکار رجنی کانت کو طبیعت ناساز ہونے پر اسپتال منتقل کر دیا گیا۔

بھارتی میڈیا کے مطابق اداکار رجنی کانت کو پیر کی  رات چنئی کے ایک نجی اسپتال میں داخل کرایا گیا۔

رپورٹ میں بتایا گیا کہ رجنی کانت کو معدے میں تکلیف کے باعث اسپتال لایا گیا تھا، اب ان کی طبیعت بہتر ہے اور انہیں جلد ڈسچارج کر دیا جائے گا۔

بھارتی ریاست تامل ناڈو کے وزیر اعلیٰ نے رجنی کانت کی جلد صحت یابی کے لیے نیک خواہشات کا اظہار کیا ہے۔

رجنی کانت نے اپنی تصویروں اور نام کے غلط استعمال پر قانونی کارروائی کا اعلان کر دیا

اداکار رجنی کانت کی ساکھ اور انڈسٹری میں ان کا احترام بے مثال ہے، کوئی بھی غلط بات ان کی ساکھ اور ان کی شخصیت کو بہت نقصان پہنچا سکتی ہے: وکیل

رجنی کانت کے اسپتال میں داخل ہونے کی خبر سامنے آنے کے بعد  ان کے مداحوں میں تشویش کی لہر دوڑ گئی ۔ 

بہت سے ایکس صارفین نے رجنی کانت کی جلد صحت یابی کے لیے دعائیں کرتے ہوئے اپنے پیغامات پوسٹ کیے۔