ہماری اسرائیل کی سلامتی کیلئے وابستگی غیر متزلزل ہے: امریکی نائب صدر

امریکی نائب صدر اور ڈیموکریٹک صدارتی امیدوار کملا ہیرس نے کہا ہے کہ امریکا ایران اور اس کے حمایت یافتہ دہشتگردوں کے خلاف ہر ضروری اقدام کرے گا۔

امریکی نائب صدر نے ایک بیان میں کہا کہ ایران مشرق وسطیٰ میں عدم استحکام پیدا کرنے والی قوت ہے، ہماری اسرائیل کی سلامتی کے لیے وابستگی غیر متزلزل ہے، ایران اور اس کے حمایت یافتہ دہشتگردوں کے خلاف امریکا ہر ضروری اقدام کرےگا۔

انہوں نے کہا کہ امریکی افواج اور مفادات کے دفاع کے لیے جو بھی اقدام ضروری ہوگا کریں گے۔

واضح رہے کہ ایران نے منگل کو اسرائیل پر حملہ کیا اور کئی بیلسٹک میزائل داغے، اسرائیلی فوج نے دعویٰ کیا کہ ایران سے اسرائیل کی جانب کم از کم 102 میزائل فائر کیے گئے جس کے بعد مقبوضہ بیت المقدس میں سائرن بجنے لگے۔

اسرائیلی میڈیا کے مطابق ایران سے اسرائیل کی جانب کم از کم 400 میزائل فائر کیے گئے۔

صیہونی ریاست کی جارحیت کیخلاف فیصلہ کن جواب دیا گیا ہے:ایرانی صدر

ایران جنگجو نہیں ہے، لیکن وہ کسی بھی خطرے کیخلاف مضبوطی سے کھڑا ہے: ایرانی صدر پزشکیان

حملہ بظاہر ناکام رہا، ایران کو حملے کے نتائج بھگتنا ہوں گے: جو بائیڈن

اسرائیل کو امریکا کی مکمل سپورٹ حاصل ہے، امریکا نے اسرائیل کے دفاع کیلئے فعال کردار ادا کیا: امریکی صدر کا بیان