ویڈیو: اسرائیل پر داغے گئے ایرانی میزائلوں پر اسماعیل ہنیہ کے بارے میں کیا درج تھا؟

ایران کی جانب سے گزشتہ روز اسرائیل پر داغے جانے والے میزائلوں کی ویڈیو سامنے آگئی۔

ایرانی خبررساں ادارے کی جانب سے جاری کی جانے والی ویڈیو میں دیکھا جاسکتا ہے کہ حملے میں استعمال ہونے والے میزائل پر اس حملے کا نام ’وعدہ صادق 2‘ درج ہے۔

ایرانی میزائل پر حماس کے سربراہ اسماعیل ہنیہ شہید کے حوالے سے تحریربھی دیکھی جاسکتی ہے۔

ویڈیو میں دیکھا جاسکتا ہے کہ  ایرانی میزائل پر درج ہے کہ یہ اسماعیل ہنیہ کے خون کا بدلہ ہے۔

 ایرانی میڈیا کے مطابق ایرانی وزیر دفاع اور مسلح افواج کے  مشیر امیر نصیر زادہ نے کہا ہے کہ آپریشن وعدہ صادق 2  بین الاقوامی قوانین اور اقوام متحدہ کے چارٹر کی بنیاد پر جوابی اقدام تھا لہٰذا یہ مکمل طور پر قانونی تھا۔

انہوں نے بتایا کہ ہم نے صرف فوجی اہداف کو نشانہ بنایا اور 3 فوجی اڈوں اور ایک انٹیلیجنس بیس کو نشانہ بنایا گیا۔

وزیر دفاع نے بتایا کہ اس آپریشن میں مختلف میزائلوں کا استعمال کیا گیا۔

اسرائیلی فوج نے اپنے فضائی اڈوں پر ایرانی میزائل گرنے کا اعتراف کرلیا

اسرائیلی فوج کے مطابق میزائل حملے میں فضائیہ کے کسی بھی جہاز کو نقصان نہیں پہنچا۔

اسرائیل پر حملے کا حکم دیتے ہوئے پاسداران انقلاب کے سربراہ کی ویڈیو سامنے آگئی

جنرل حسین سلامی نے کہا کہ یہ حملہ اسماعیل ہنیہ اور حسن نصر اللہ کی شہادت کا بدلہ ہے۔