اسرائیل نے ایرانی میزائل حملوں میں اپنے فوجی اڈوں کے نشانہ بننےکا اعتراف کرلیا

اسرائیلی فوج نے ایرانی میزائل حملوں میں اپنے فوجی اڈوں کے نشانہ بننے کا اعتراف کر لیا۔

ترجمان اسرائیلی فوج کا کہنا ہےکہ منگل کو ہوئے ایرانی میزائل حملوں میں دو ائیر بیس نشانہ بنے، ایرانی میزائلوں کا نشانہ بنائےگئے ائیرفورس کے اڈے مکمل فعال ہیں۔

ترجمان اسرائیلی فوج کا یہ بھی کہنا تھا کہ  ایران کے میزائل حملوں کا جواب جو بہتر وقت لگےگا اس وقت دیں گے، اسرائیلی سیاسی قیادت کی ہدایت کے مطابق بتائے گئے وقت اور جگہ پر حملہ کریں گے۔

ایران کا اسرائیل پر بڑا حملہ، میزائلوں سے بچنے کیلئے اسرائیلی شیلٹرز میں چھپنے پر مجبور، کئی زخمی

بائیڈن نے امریکی فوج کو اسرائیل کا دفاع کرنے کا حکم دے دیا، ایران نے 100 سے زائد میزئل داغے، اسرائیل پرحملہ اسماعیل ہنیہ اور حسن نصراللہ پر حملے کا بدلہ ہے: پاسداران انقلاب

خیال رہے کہ یکم اکتوبر کی شب ایران نے اسرائیل پر 400 سے زائد بیلسٹک میزائل داغے تھے جو اصفہان، تبریز، خرم آباد، کرج اور اراک سے فائر کیے گئے جس کے بعد مقبوضہ بیت المقدس سمیت اسرائیل بھر میں سائرن بجنے لگے، میزائل حملوں کے بعد اسرائیلیوں نے بنکرز میں پناہ لی۔

ایران کی پاسداران انقلاب کا کہنا تھاکہ یہ حملہ اسرائیل کی جانب سے حماس اور حزب اللہ کے رہنماؤں کی حالیہ ہلاکتوں، لبنان میں جارحیت اور غزہ میں نسل کشی کی جنگ کا بدلہ ہے۔

پاسداران انقلاب کے مطابق ایران نے پہلی بار ہائپرسونک الفتح میزائل کا استعمال کیا اور دعویٰ کیا کہ ایران کے 90 فیصد میزائلوں نے کامیابی سے اسرائیل میں اپنے اہداف کو نشانہ بنایا۔

 ایران کے اسرائیل پر میزائل حملوں میں نیواتیم ائیربیس سمیت مختلف ائیر بیسز  اور اسرائیلی خفیہ ایجنسی موسادکے ہیڈ کوارٹرکو نشانہ بنایا گیا تھا۔

اسرائیلی میڈیا کا کہنا ہے کہ اسرائیلی فوج ایران پر بڑا اور شدید فوجی حملہ کرنے کی تیاری کر رہی ہے۔