07 اکتوبر ، 2024 
پاکستان
دھماکے میں ملوث عناصرپاکستانی نہیں ہوسکتے یہ پاکستان کے دشمن ہیں: شہباز شریف/ فائل فوٹو
چینی دوستوں کی سکیورٹی میں کوئی کسرنہیں چھوڑی جائےگی: وزیراعظم
07 اکتوبر ، 2024
اسلام آباد: وزیراعظم شہبازشریف نے کراچی میں چینی شہریوں پر ہونے والے حملے کی مذمت کی ہے۔
وزیراعظم نے دھماکےمیں ہلاک چینی باشندوں کے اہلخانہ، چین کی قیادت اور عوام سے دلی اظہار تعزیت کیا جب کہ دھماکے میں زخمی افراد کی جلد صحت یابی کی دعا کی۔
وزیراعظم شہباز شریف نے کہا کہ دھماکے میں ملوث عناصرپاکستانی نہیں ہوسکتے یہ پاکستان کے دشمن ہیں، دھماکےکی تحقیقات جاری ہیں، ان عناصرکو انصاف کےکٹہرے میں لایاجائےگا۔
شہباز شریف کا کہنا تھاکہ پاکستان چینی دوستوں کے تحفظ کے عزم پر قائم ہے، چینی دوستوں کی سکیورٹی میں کوئی کسرنہیں چھوڑی جائےگی۔
