10 اکتوبر ، 2024 
پاکستان
کراچی ائیرپورٹ کے قریب حملےکی تحقیقات جاری، چینی تفتیشی ٹیم کا جائے وقوعہ کا دورہ
10 اکتوبر ، 2024
کراچی ائیرپورٹ سگنل کے قریب چینی باشندوں پر ہونے والے حملے کی تفتیش جاری ہے، آج چینی تفتیشی ٹیم نے بھی جائے وقوعہ کا دورہ کیا۔
ذرائع کے مطابق سکیورٹی اداروں کی جانب سے چینی ماہرین کو حملے سے متعلق بریفنگ دی گئی، دورہ کرنے والے وفد میں چینی سکیورٹی افسران اور ماہرین شامل تھے۔
چینی ماہرین نے دھماکے سے متاثرہ گاڑیوں اور اطراف کا معائنہ بھی کیا، چینی ماہرین نے دھماکےکی جگہ سے ملنے والے شواہدکا بھی جائزہ لیا۔
دوسری جانب ترجمان چینی وزارت خارجہ کا کہنا ہے کہ پاکستان میں چین کے منصوبوں، چینی اداروں اور چینی شہریوں کی حفاظت یقینی بنانےکے لیے چین پاکستان کےساتھ مل کرکام کرےگا۔
