بھارت نے بنگلادیش کیخلاف ٹی ٹوئنٹی کا دوسرا بڑا اسکور بنا دیا

بھارت نے بنگلادیش کے خلاف ٹی ٹوئنٹی  کا دوسرا  بڑا  اسکور  بنادیا۔

بھارتی شہر حیدرآباد میں کھیلے جارہے تیسرے ٹی ٹوئنٹی میچ میں بھارت نے پہلے کھیلتے ہوئے بنگلادیش کو  جیت کے لیے298 رنز کا ہدف دیا۔

بھارتی ٹیم نے  پہلےکھیلتے ہوئے مقررہ 20  اوور میں 6 وکٹ پر 297 رنزبنائے۔

بھارت کی جانب سے سنجو سیمسن نے47 گیندوں پر 111 رنز کی اننگز کھیلی، ان کی اننگز میں 8 چھکے اور  11 چوکے شامل تھے۔

تیز ترین ففٹی، سنچری اور 314 کا ٹوٹل، نیپال نے ٹی ٹوئنٹی کرکٹ میں کئی ریکارڈز توڑ ڈالے

نیپال کے کوشال مالا نے 34 گیندوں پر ناقابلِ شکست 137 رنز بنائے جبکہ دیپندرہ سنگھ نے صرف 9 گیندوں پر ناقابلِ شکست 50 رنز بنائے

ان کے علاوہ سوریا کمار نے 5 چھکوں اور 8 چوکوں کی مدد سے 35 گیندوں پر 75 رنز بنائے۔

 ہاردک پانڈیا نے بھی بہتی گنگنا میں ہاتھ دھوتے ہوئے 18 گیندوں پر 47 رنز بنائے، انہوں نے 4 چھکے اور 4 چوکے لگائے۔

خیال رہےکہ  ٹی ٹوئنٹی میں سب سے زیادہ 314 رنزبنانےکا ریکارڈنیپال کے پاس ہے جو اس نے گزشتہ سال ایشین گیمز میں منگولیا کے خلاف بنائے تھے۔

پہاڑ جیسے ہدف کے تعاقب میں بنگلادیش کی ٹیم 7 وکٹوں کے نقصان پر صرف 164 رنز بناسکی اور  اسے 133 رنز سے شکست ہوئی۔ تین ٹی ٹوئنٹی میچوں کی سیریز بھارت نے 0-3 سے جیت لی۔