انگلینڈ کے ہاتھوں بدترین شکست، احمد شہزادکا قومی ٹیم کو فلم لگان دیکھنےکا مشورہ

ملتان ٹیسٹ میں انگلینڈ کے ہاتھوں  ایک اننگز  اور 47 رنز کی بدترین شکست کے بعد کرکٹر  احمد شہزاد  نے قومی ٹیم کو بالی وڈ فلم لگان دیکھنے کا مشورہ دے دیا۔

اپنے وی لاگ میں انگلینڈ کے ہاتھوں بدترین شکست پر  احمد شہزاد نے قومی ٹیم کو سخت تنقید کا نشانہ بنایا۔

احمد شہزاد نے قومی ٹیم کے کھلاڑیوں کو مشورہ دیا کہ  وہ بالی وڈ فلم لگان دیکھیں تاکہ جذبہ حاصل کرسکیں۔

احمد شہزاد کا کہنا تھا کہ لگان فلم میں دکھایا گیا کہ لوگ انگلش ٹیم کے خلاف میچ جیتنا چاہتے ہیں تاکہ وہ لگان یعنی ٹیکس ادا کرنے سے بچ سکیں، لیکن پاکستانی ٹیم کو لگان نہیں دینا پڑتا کیونکہ پی سی بی یہ ادا کرتا ہے۔

انہوں نے مزیدکہا کہ ٹیم میں تبدیلیاں ناگزیر ہیں، سوشل میڈیا کے ذریعے قوم کو مزید بیوقوف نہیں بناسکتے، سلیکٹرز  اور  چیئرمین کو  نوجوان کھلاڑیوں کو موقع دینا پڑےگا۔

خیال رہے کہ لگان فلم کا شمار بالی وڈ کی کامیاب فلموں میں ہوتا ہے جس میں مرکزی کردار اداکار عامر خان نے ادا کیا تھا۔

واضح رہے کہ پاکستان اور انگلینڈ کے درمیان سیریز کا دوسرا ٹیسٹ بھی ملتان میں ہی کھیلا جائے گا، انگلینڈ کو تین ٹیسٹ میچوں کی سیریز میں ایک صفر کی برتری حاصل ہے۔

اس سے بڑھ کر مایوسی نہیں ہو سکتی، ہم 20 کیا 10وکٹیں بھی نہیں لے رہے: شان مسعود

ملتان ٹیسٹ میں انگلینڈ نے پاکستان کو ایک اننگز اور 47 رنز سے شکست دی ہے

ملتان ٹیسٹ: قومی ٹیم ہر شعبے میں ناکام، انگلینڈ کے ہاتھوں بدترین شکست

انگلینڈ نے پاکستان کو تین میچوں کی سیریز کے پہلے ٹیسٹ میں ایک اننگز اور 47 رنز سے شکست دی